Гурван өдөр тоглох төлөвлөгөөтэй байсан түүний тоглолт үзэгчдийн хүсэлтээр дахин хоёр өдөр үргэлжлэхээр болсон нь энэ. Эхний өдрөөсөө л тасалбар нь олдохгүй пиг дүүрэн байсан тоглолт олон сюрпризээр дүүрэн байлаа. Түүний нэг нь даян аварга А.Сүхбатад зориулан шүлгийг нь бичсэн Нууцхан сэтгэлийн үнэн дуу юм. Би арван өдөр ч дуулахгүй байж чадахгүй. Харин миний хайрлаж, хүндэлдэг аварга маань дэвжээндээ зодоглохгүйгээр бөх үзэж суухдаа юу боддог бол хэмээсээр тоглолтын эзэн шинэ дуугаа эхлэв. Харин тайзны ард байрлуулсан дэлгэцнээ жижиг Сүхбатын барилдааны торгон агшин, зодог тайлах мөчүүд хөвөрч үзэгчдийг уйлуулж, дуулуулж орхив. Харин өөрийнхөө тухай өгүүлсэн дуунд уярсан Даян аварга ч зохиолын дууны ханхүүд талархал илэрхийлэн алд цэнхэр хадаг барьж хүндэтгэл үзүүлэв. Мэдээж хайртай дуучин, аварга хоёроо нэгэн тайзнаа хадаг сүү бололцох торгон агшныг харсан үзэгчид ч сэтгэлээ барьж дийлэлгүй бүр уяхан зарим нь нулимс унагаж харагдана лээ. Мөн энэ үеэр олны нүд 20 гаруй насны өндөр бүсгүй дээр тусч байсан нь Даян аваргын шинэ найз бүсгүй байлаа. Эхнэр хүүхдээсээ салж, өөр бүсгүйтэй амьдрах болсон аварга маань бөхөө дээдэлсэн монгол түмнийхээ хүндэтгэлийг даалгүй олны нүдэн дээр жаахан охинтой эрхлэлдэн алхах нь зарим хүний эгдүүцлийг төрүүлж байв.

А.Учрал

Дугаар 16/3108/