Учир нь Мэргэжлийн хяналтын газар, Эрүүл мэндийн яам, Стандарт хэмжил зүйн газар, хамтран өчигдөр эмийн бүтээгдэхүүний чанар стандартыг шалгахаар зарим үйлдвэрийн эмэнд шинжилгээ хийлээ. Манай улсын дотоодын эмийн бүтээгдэхүүний хэмжээ жил ирэх тусам өргөжиж байгаа нь ажиглагддаг. Тиймээс дотооддоо хэргэлэх эмийн хэрэгцээний 30 орчим хувийг хангаж байгаа гэсэн тоо гарчээ. Гэсэн ч тоо хэмжээ нь өссөн ч чанар баталгаа нь хангалтгүйгээр зогсохгүй эм гэдэг нь утга учраа алдаж хор болж хувирсан гэх дүгнэлтэнд хүрээд байна. Тухайлбал энэ онд хийсэн шалгалтаар 170 орчим эмийн бүтээгдэхүүний 15,9 хувь нь чанарын шаардлага хангасан байна. Манай улсад үйлдэрэлсэн эмийн 50 орчим хувьд нь хийсэн шалгалтаар дээрх тоо гарчээ. Өөрөөр хэлвэл та бидний өдөр тутамд хэргэлдэг эм маань 80-90 хувь нь эм гэж хэлэхэд бэрхтэй аж. Архиндаа, хүнсэндээ хордохын зэрэгцээ хагас жилийн турш агаарын бохирдлоор уушиг цээжээ хордуулж явдаг бол дарин дээр давсын үлгэрээр эмэндээ хордож үхэх аюул бас л иржээ. Энэ мэт бидний чимээгүй тахлууд улам л өнөр болсоор байна. Эмийн чанар стандарт ор мөргүй үгүй болж хор болон хувирсныг мэргэжлийн байгууллагууд өнөө хүртэл хайхраагүй яваа нь төрийн байгууллагуудын доод дунд шатны ажлын хариуцлаггүйг харуулж буй хэрэг.

Н.Магнай