Уг үйл ажиллаагаа нь Газын зурвас дахь энэ жилийн хамгийн анхны экспорт болж байгаа билээ.

2007 оны 6-р сард Хамасын бүлэг экспортыг хяналтандаа авснаас хойш Израйл улс Газын зурвасыг гадагш бараа гаргахыг хатуу хориглоод байгаа билээ. Харин тусламжийн бараа авахад хилийн зурвас нээлттэй байдаг байна.

Голландын засгийн газар болон Газын аж ахуй эрхлэгчид хэд хэдэн удаа Израйлын талд хүсэлт тавьсны эцэст Европ руу цэцэг экпортлох зөвшөөрөл авчээ. Израйлын цэргийн хэвлэлийн төлөөлөгчийн мэдэгдснээр бол дээрхи тооны цэцэгс нь Газаас Израйлын каргогоор гарч Валентиний өдөр буюу Бямба гариг гэхэд Европын зах зээл дээр гарна гэжээ.

Газын зурвасын 1,5 сая оршин суугчид Валентиний өдрийг тэмдэглэхгүй ч гэсэн зарим дэлгүүрүүд нь улаан сарнай, зүрхний хэлбэртэй бэлэг зэргийн худалдаа хийж байна.

Газын мянга мянган гэр бүлийн орлогын эх үүсвэр нь түүхий эд бараа мөн төрөл бүрийн цэцэг, гүзээлзгэнэ байдаг байна.

Экпортыг хорихоос өмнө Газын зурвасаас сард 750 ачааны машинаар гэрийн тавилга, хүнсний бүтээгдэхүүн, нэхмэл бүтээгдэхүүн, хөдөө аж ахуйн бүтээгдэхүүн гадаад уруу гаргадаг байжээ. Өөрөөр хэлбэл өдөрт нэг сая долларын орлого олдог байсан байна.

А. Амар /Olloo.mn/

Эх сурвалж BBC