Манай улсын хувьд ч ниргэсэн хойно нь хашгирав гэдэг шиг хямрал манай улсыг тойроод гарчихна гэж байсан улс төрчид, эдийн засагчид одоо хаанаас хэнээс хямралаас гарах мөнгөн тусламж хайх вэ хэмээн ярьж суугаа.

Хямралаас гарахын тулд дан ганц улс төрчдөөс хамаарна гэж үгүй иргэн бүр л дор бүрнээ зардлаа хэмнэж амьдрахыг улс төрийн намууд, төрийн захиргааны болон ТББ-ууд уриалан дуудаж байгаа билээ.

Хямралыг даван гарах арга замыг хайхаар манай залуу эдийн засагчид нэгдээд буй талаараа өнөөдөр хэвлэлийн бага хурал зарласан.

Залуу эдийн засагчид энэхүү хямралыг гэтлэн гарахад хүн бүрийн хүчин зүтгэл хэрэгтэй гэдгийг сануулж байлаа. Өчигдөр хуралдсан УИХ-ын ээлжит бус чуулган дээр гишүүд хямралаас гарах арга замын талаар санал бодлоо солилцсон. Гэтэл манай улс төрчид, эдийн засагчид хямралын өмнө сөхөрсөн байдалтай дандаа бүрхэг харанхуй зүйл ярьж байгаа нь ард иргэдийн сэтгэл санаанд ихээхэн хүндээр тусаж байгааг залуу эдийн засагчид шүүмжлэлтэй хандаж байна.

Саяхан сургуулиа төгсөөд мэргэжилээрээ ажиллаж буй 13 залуугийн бүрэлдэхүүнтэй баг нүүрлээд байгаа хямралын эсрэг арга хэмжээ авахаар болжээ. Санаа зорилго нэгтэй залуусыг нэгдхийг ч уриалсан. Тэд найман зүйл бүхий санамж бичгийг боловсруулан УИХ, Засгийн газарт хүргүүлэх тухайгаа ч энэ үерээр дурьдсан.

Тэдний ярианд анхаарлаа хандуулна уу.

үideo1