Юм үзэж, нүд тайлсан хэрийн юманд өнделзөөд байхгүй, хор нь гарсан хэмээн Лу.Болдыг битүүхэн үнэлж байсан улс төрийн хүрээнийхэн Сайдын сэнтийд залрахын тулд юугаа ч өгөхөөс ч буцахгүй иймхэн гар байсан юмуу гэж илтэд голж байсан цаг саяхан. Гэхдээ эрхэм гишүүн олны үгийг үл тоон зүтгэсээр байгаад Батлан хамгаалах яамыг толгойлж гай ч үгүй, гавьяа ч үгүй явна. Ер нь түүний гийгүүлэх гавьяа гэж юу байхав. Өчүүхэн жижиг эрх ашгаа бол гүйцээж л яваа биз. Харин өнгөрсөн сонгуулиар Баянмонгол корпораци гэж сонгогчдынхоо чихэн дээр хэтэрхий үнэтэй цэцэг ургуулсан нь одоо эрхэм гишүүнийг ороож эхэллээ. Сонгуульд ялж л байвал юу ч амласан яахав гэсэн мөрөөдлөөсөө болж Д.Мөнхтуяа гишүүн хэрхэн шившигтэйгээр улс төрөөс хөөгдсөн түүх мартагдаагүй байна. Хэдийгээр 4 жил гэдэг урт хугацаа мэт санагдавч, эргээд харахын хооронд тулаад ирдэг гэдгийг шинэхэн гишүүнд нэг сануулахад илүүдэхгүй болов уу.

Дугаар 06