Тэр дундаа хулгай, дээрмийн хэрэг багагүй хувийг эзлэж байгаа гэнэ. Ажлын байран дээрээ хүртэл тайван сууж болохгүй болсон цаг үе бололтой.

Саяхан Нийслэлийн мэргэжлийн хяналтын газрын эрүүл мэнд, боловсролын хяналтын хэлтсийн байцаагч Н.Нарантуяаг өрөөндөө ажил үүргээ гүйцэтгэн сууж байхад нь үл таних нэгэн этгээд утсаар ярин орж ирээд өөртэй чинь яриул гэсэн хэмээн байцаагчид ойртон улмаар хоолойг нь боосон бөгөөд гартаа жижиг хутга барьсан байжээ. Yл таних этгээд 00-ийн өрөөнөөс орж шалны алчуураас цуулан залгаж, улмаар хүний хоолой боох зорилготойгоор санаатай өрөөндөө ганцаараа сууж байсан байцаагчийг сонгожээ. Энэ бүх нь давхарт байрлуулсан камераас дараа нь харагдсан байна.

Н.Нарантуяа амь авар гэж орилоход нь тэр этгээд гартаа барьж байсан жижиг хутга, утас, шалны алчуурын тасархайгаа хаяад зугтсан аж. Ярьж байгаа дүр үзүүлсэн утас нь сим картгүй, эвдэрхий байсан байна.Тэр чимээнээр зэргэлдээх өрөөнөөс хүмүүс гарч ирэхэд үл таних этгээд зугтаж амжжээ. Н.Нарантуяа ихэд шоконд орсон бөгөөд одоогоор өрөөндөө суухаас ч айдаг болсон байна.

Энэхүү хэргийг цагдаагийн байгууллага шалгаж байгаа юм байна.

Olloo.mn