2009 оны улсын төсөвт нэг их наяд 57.8 тэрбум төгрөг дутагдаж байгаа аж. Тиймээс төсвийн орлогыг нэмэгдүүлэх, доноруудын дэмжлэгийг авах, Монгол Улсыг хөгжүүлэх сангийн эрсдэлийн хэсэг, үлдэгдлийг ашиглах зэрэг арга хэмжээ авснаар 855.3 тэрбум төгрөгийн эх үүсвэр бий болгож, урсгал зардлыг 71.8 тэрбум төгрөгөөр, хөрөнгө оруулалтыг 131.7 тэрбум төгрөгөөр бууруулахаар төсвийн тодотголд тусгасан байна. Төсвийн тодотголыг хэлэлцсэнтэй холбогдуулан

– Төсвийн тодотголд нэгдсэн төсвийн нийт алдагдлыг ДНБ-ий зургаан хувь байхаар тооцон Монгол Улсын 2009 оны төсвийн тухай хуульд нэмэлт, өөрчлөлт оруулах тухай хуулийн төслийг УИХ-д өргөн мэдүүлэхээр эцэслэн боловсруулж, хоёрдугаар сарын 16-ны өдрийн Засгийн газрын ээлжит бус хуралдаанд танилцуулахыг сайд С.Баярцогтод

-Төсвийн тодотголтой холбогдуулан боловсруулж буй бусад хуулийн төслүүдийг УИХ-д өргөн мэдүүлэхээр эцэслэн боловсруулж, төсвийн тодотголын хамт Засгийн газрын хуралдаанд танилцуулахыг сайд Ц.Нямдорж, С.Баярцогт нарт

-Экспортод гарч буй нүүрсний хилийн хураамжийн хэмжээг 1000 төгрөгөөр нэмэгдүүлэн 2000 төгрөг болгох саналыг дэмжиж, Сангийн сайдын тушаалаар энэ оны гуравдугаар сарын 1-ний өдрөөс эхлэн уг арга хэмжээг авч хэрэгжүүлэхийг сайд С.Баярцогтод тус тус даалгав.

Дугаар 032/611/