Тус хорооны Нуурын 22-496 тоотод өвлийн байшингийн дээврийн хэсэг шатаж байсныг Аврах, гал унтраах 10 дугаар ангийнхан очиж, галыг унтраажээ. Мөн нийслэлийн Сүхбаатар дүүргийн XҮI хороо Хандгайтад байрлах Төмөр замын ажилчдын цанын баазад гал гал гарсныг Аврах гал унтраах 34 дүгээр анги ажиллаж, унтраасан байна.

ТҮЛЭГДЭЖ АМИА АЛДЖЭЭ

Нийслэлийн онцгой байдлын газрын шуурхай бүлэг 105 утсанд баасан гарагт хоёр дуудлага иржээ. Үүний нэг нь траншейнд эрэгтэй хүний цогцос байна гэсэн дуудлага байж. Тодруулбал, нийслэлийн Баянгол дүүргийн XX хороо Барс-2 худалдааны төвийн баруун талын траншейнд 50-55 насны эрэгтэй нас барсан байжээ. Эх сурвалжийн хэлснээр, тэрбээр гадны нөлөөгөөр бус хүйтнээс дайжин, дулаацах гэж байгаад дулааны хоолойд түлэгдсэн бололтой. Одоо цагдаагийн ажилтнууд хохирогчийн хэн болохыг тогтоохоор ажиллаж байгаа аж.

ӨВС, ТЭЖЭЭЛИЙГ 50 ХУВИАР ХЯМДРУУЛАН ХУДАЛДАНА

Улсын онцгой комиссын хурал өнгөрсөн долоо хоногт болж, өвөлжилтийн нөхцөл байдал, түүнээс үүдсэн хүндрэл бэрхшээлийг даван туулах талаар Засгийн газраас хэрэгжүүлэх арга хэмжээ, цаг агаарын төлөв байдлын тухай авч хэлэлцжээ. 2008-2009 онд нийт 21 аймаг, нийслэлийн 193.300 малчин өрхөд 42.5 сая мал өвөлжиж байгаа аж. Өнгөрсөн сарын 25-ны байдлаар Ховд аймагт 15.2, Баян-Өлгийд 11.3, Хөвсгөлд 9.3, Говь-Алтайд 7.1, Баянхонгорт 6.0, Дорнодод 5.1, Увсад 4.9, Завханд 3.9, Хэнтийд 1.5 мянга, нийт 64.4 мянган мал хорогджээ. Иймд Засгийн газраас өвөлжилтийн байдал хүндэрсэн Баян-Өлгий, Завхан, Увс, Ховд, Хөвсгөл аймаг дахь улсын нөөцийн цэг, салбаруудад хадгалагдаж байгаа 3703.7 тонн өвс, 2835.8 тонн тэжээлийн үнийг энэ оны тавдугаар сарын 1-ний өдрийг хүртэл 50 хувиар хөнгөлөн худалдах, түүний орлого болон Засгийн газраас олгох үнийн зөрүүгээр нөхөн бүрдүүлэх арга хэмжээг авч хэрэгжүүлэхээр болжээ.

ИРЭХ САРД ЦАХИЛГААН ДУЛААНЫ YНЭ НЭМЭГДЭХГYЙ

Сүүлийн үед дулаан, цахилгаан үнэ нэмэгдэх нь гэсэн мэдээлэл гарах болсон. Энэ нь санхүүгийн хямралтай байгаа өнөө үед олон иргэдийг сэтгэлийг зовоож байгаа. Харин Эрчим хүчний зохицуулах газар /ЭХЗГ/ цахилгаан, дулааны үнэ нэмэх эцсийн шийдвэр гарах болоогүй тул иргэдийг тайван байхыг мэдэгдэж хэвлэлийн хурал зарлалаа, өнгөрсөн баасан гарагт. ЭХЗГ-аас мэдээлж байгаагаар эрчим хүчний компаниуд тус газарт үнэ нэмэх санал, тооцоо судалгаагаа хүргүүлсэн. Тэд саналдаа цахилгааны үнийг ирэх сараас эхлэн 25 хувь, дулааны үнийг 35 хувиар нэмэгдүүлж өгөх хүсэлт тавьсан нь эрчим хүчний үнэ нэмэгдэх нь гэсэн шуугиан гаргахад хүргэсэн гэжээ. Ер нь эрчим хүчний компаниуд үнэ нэмэх саналаа байнга хүргүүлдэг, тэр болгонд нь үнэ нэмээд байдаггүй гэдгийг ЭХЗГ-ын удирдлагууд онцолж байсан. Мөн Эрчим хүчний компаниуд өрийн сүлжээнд орсон нь үнэн, гэхдээ энэ асуудлыг хэрэглэгчидэд үүрүүлэх замаар шийдэх ёсгүй гэдгийг хэлж байсан.

ЭХЗГ-аас эрчим хүчний компаниудын орлого, зарлага ямар байгааг газар дээр нь очиж шалгаалд цахилгаан дулааны үнэ нэмэх эсэхийг шийдэх аж. Уг 13 компанийг шалгахад багаар бодоход хоёр cap шаардлагатай гэж үзэж байна. Мөн 13 компанийг шалгахад багаар бодоход хоёр cap шаардлагатай. Шалгалтын эцэст үнэ нэмэгдэхгүй байх магадлалтай аж. Тэгээд ч цахилгааны үнийг гэнэт нэмэхийг Эрчим хүчний тухай хуулиар хориглодог байна. Тус хуульд Хэрэв цахилгаан, дулааны үнэ нэмэх бол 14 хоногийн өмнө олон нийтэд мэдэгдэх ёстой гэсэн заалт байдаг аж. ЭХЗГ-аас аль болох үнэ нэмэхгүйгээр асуудлыг шийдэхээр ажиллах гэнэ. Тухайлбал, хүнд байдалд орсон эрчим хүчний салбарыг аврахын тулд үнэ нэмэхгүйгээр компаниудын дотоод зардал, тоног төхөөрөмжийн засварыг хойшлуулах зэргээр хэмнэлт гаргах арга зам хайх юм. Цахилгаан, дулааны хэрэглэгчдээс авах авлага өнгөрсөн оны арванхоёрдугаар сарын 31-ний байдлаар 26.9 тэрбум төгрөг болжээ. Үүнийг хэрэглэгчдэд дарамт учруулан авах ёегүй гэж тус газрын дарга Р.Ганжуур үзэж байна. Энэ авлага нь 2005 оноос хойш эрчим хүчний бодит үнийг тогтоож чадаагүйтэй холбоотой аж.

30 гаруй машин хулгайлсан этгээдийг саатуулжээ

Нийслэлийн Сүхбаатар дүүргийн цагдаагийнхан 30 гаруй автомашин хулгайлсан этгээдийг баривчилжээ. Эрхэлсэн тодорхой ажил, оршин суух хаяггүй О.Өлзийжаргалыг цагдаа нар бүтән жилийн турш эрэн сурвалжилсны эцэст саатуулсан бөгөөд одоогийн байдлаар машинаа алдсан 20 гаруй хохирогч тус дүүргийн цагдаагийн хэлтэст хандсан байна. Гэмт этгээд гудамжинд байгаа Аксент маркийн автоамшинуудыг хулгайлан, хотоос зайдуу аваачин, эд ангиар нь салган зардаг байсан аж. Одоо түүнд эрүүгийн хэрэг үүсгэн шалгаж байна.

ЗАЛИЛАГЧИЙГ ЭРЭН СУРВАЛЖИЛЖ БАЙНА

Өндөр настан болон хүүхдүүдийг хуурч, эд зүйлийг нь залилан авдаг хэрэг нийслэлд цөөнгүй гардаг. Cap шинэ баяр ойртож байгаа энэ өдрүүдэд ийм төрлийн гэмт хэрэг ч нэмэгдсэн байна. Тухайбал, нийслэлийн Чингэлтэй дүүргийн ҮI хорооны нутаг дэвегэрт 65 настай Ц бусдад залилуулсан хэрэг гарчээ. Cap шинийхээ тавагын чихэр, цагаан идээ, бэлэгийг авч явсан түүнийг зам гарахаар явж байхад нь үл таних эмэгтэй Зам гарахад тань туслая гээд цүнх, тортой зүйлийг нь авчээ. Улмаар залилагч олон хүний дунд ороод алга болсон байна. Цагдаагийн ажилтнууд залилагчийг эрэн сурвалжилж байгаа аж.

ЖИГЖИДЖАВЫН ГУДАМЖ НЭГ ЧИГИЙН ХӨДӨЛГӨӨНТЭЙ БОЛОВ

Нийслэлийн замын хөдөлгөөний ачааллыг бууруулах зорилгоор энэ сарын 14-ны өдрөөс эхлэн Жигжиджавын гудамжний автозамыг нэг чигийн хөдөлгөөнтэй болголоо. Уг гудамжийг ертөнцийн зүгээр урдаасаа хойшоо нэг чигийн ходолгоонд оруулсан байна. Өөрөөр хэлбэл, Хөрөнгийн биржийн баруун талын туслах замын уулзвараас хойшоогоо Тагнуулын ерөнхий газрын урд замтай огтлолцеон зам нэг чигийн хөдөлгөөнтэй болсон гэсэн үг юм.

Д.Туяа

Дугаар 028 /954/