анх удаа Шилдэг төгсөгч 2008 тэтгэлэгт хөтөлбөр зарласан байна. Эрхэм гишүүн Хөвсгөл нутгийн ирээдүйн хөгжлийн түлхүүр чадварлаг боловсон хүчин хэмээн үзэж өнгөрсөн жил 11 дүгээр анги төгсч буй 2300 гаруй төгсөгчийн дунд уг уралдааныг зарласан бөгөөд элсэлтийн шалгалтын дараа нийт 400 орчим төгсөгчийн материал ирснээс 2 шатны шалгаруулалт хийж 10 оюутныг шалгаруулсан байна.

Энэхүү тэтгэлэг нь Хөвсгөл аймагт анх удаа зарлагдаж байгаагаараа онцлогтой бөгөөд зөвхөн аймгийн хэмжээнд бус сумдаас оюутнууд оролцсоны зэрэгцээ оюутнуудын 80 хувь нь бүтэн болон хагас өнчин, эцэг эх нь хөгжлийн бэрхшээлтэй, амьжиргааны баталгаажих төвшнөөс доогуур орлоготой иргэдийн хүүхдүүд хамрагджээ.

Эдгээр оюутнууд улс аймгийн хэмжээний олимпиад бусад уралдаант шалгаруулалтад дээгүүр байрт орж байсан хүүхдүүд байна.

Санхүү эдийн засгийн хямралтай, хаа сайгүй бэлэн мөнгөгүй энэ үед сургалтын төлбөрөө гар дээрээ бэлнээр авсан оюутнууд, эцэг эхийн төлөөлөл нутгаас сонгогдсон төрийн түшээдээ баярласан талархсанаа илэрхийлж цаашдын ажилд нь амжилт хүслээ.