томилон ажиллуулсан билээ.

БЭТ Анод банкан дээр байрлан ажилласнаар шаардлагатай санхүүгийн зарим асуудлууд шийдэгдсэн эерэг талтай боловч байгууллагын уур амьсгал дордож, ажилчдын эрх ашиг зөрчигдөж байгаа талаар өнгөрсөн баасан гарагт тус банкны Үйлдвэрчний эвлэлээс мэдээлэл хийсэн юм.

Банкны удирдлагууд хоригдсон ч дэд захирлууд үйл ажиллагааг үргэлжлүүлэх ёстой. Гэтэл БЭТ дэд захирлуудыг үүрэг гүйцэтгэгч гэсэн статустай болгон, банкны нөхцөл байдлыг тэднээс нууцалжээ.

Ингэснээр тус банкны ирээдүй маш бүрхэг болсон аж. БЭТ-ийг томилогдон ирэхээс өмнө банкны бүх ажилтнууд дотоод сүлжээгээрээ нэвтрэн банкны үйл ажиллагаатай бүрэн танилцах боломжтой байсан бол БЭТ бүгдийг хаасан гэнэ.

Хурлыг зохион байгуулагч Анод банкны үйлдвэрчний эвлэлийн дарга Б.Жаргал хэлэхдээ БЭТ С.Насанжаргал 2009 оны хоёрдугаар сарын зургааны өдөр 40 гаруй ажилтныг бүтцийн өөрчлөлт нэрийн дор халах тушаал гаргасан. Өмнө нь 30 гаруй ажилтныг мөн л ийм байдлаар гэнэт халсан. БЭТ-ийн энэ үйлдэл нь Хөдөлмөрийн хуулийн хэдэн хэдэн заалтыг зөрчиж байгаа. Дэлхий нийтээр эдийн засгийн хямралд өртөөд байгаа энэ үед мэдээж цомхтгол, бүтцийн өөрчлөлт хийж болно. Гэхдээ хөдөлмөрийн хуулиа л барьж ажиллах хэрэгтэй хэмээн хэлж байсан. Ажилчдыг халсан шалтгаанаа санхүү, мөнгөө хэмнэхгүй бол байдал хэцүүхэн байна гэж тайлбарлаж байгаа. БЭТ өөрөө сард таван сая төгрөг, харин теллер сард 210 мянган төгрөгийн цалинтай. Ноён БЭТ үнэхээр л зардал мөнгөө хэмнэх гээд байгаа бол өөрийнхөө авч байгаа цалин, зарцуулж байгаа хэрэглээгээ багасгах хэрэгтэй талаар банкны ажилтнууд ярьж байлаа.

БЭТ С.Насанжаргал Таван сая төгрөгийн цалин авдаг бол сайхан л байна

Харин БЭТ С.Насанжаргалтай уулзахад таван сая төгрөгийн цалин авдгаа эрс няцааж байв.

-Банкнаас халагдсан ажилтнууд сэтгүүлчдэд хандаж, мэдээлэл хийсэн юм. Таныг хууль бусаар олон ажилтныг халсан талаар ярьж байсан?

-Цомхтгож байгаа нь үнэн. Олон зуун харилцагчдын мөнгийг олгох хэрэгтэй байна. Дээр нь зээлдэгчдийн зээл төлөлтийн график алдагдаж байна. Энэ бүх хүнд хэцүү үед дэмий зардал гаргаж, үүргээ гүйцэтгэж чадахгүй байгаа хүмүүсийг ажлаас нь чөлөөлөх нь яагаад буруу гэж.

-Уучлаарай хувь хүний цалин мөнгийг асууна гэдэг тийм ч зохимжтой биш байх. Гэхдээ таван сая төгрөгийн цалин авдаг уу. Үнэн бол татгалзаж болохгүй гэж үү. Банкны үйл ажиллагааг аврахын тулд шүү дээ?

-Би зардал мөнгийг аль болох хэмнэхийг зорьж байгаа. Үнэхээр таван сая төгрөгийн цалин авдаг бол сайхан л байна. Миний цалинг Монгол банк-наас тогтоодог. Та нар Монгол банк-наас очоод асуучихгүй юу.

-Та түрүүн зээл төлөлтийн график алдагдаж байгаа гэлээ. Тэгсэн хэрнээ зээл төлөлтийн ажлыг гүйцэтгэдэг Тусгай активын албыг татан буулгасан гэсэн. Энэ нь ямар учиртай юм бэ?

-Тусгай активын албаныхан ямар ч үр дүнгүй ажиллаж байсан учраас татан буулгасан. Олон жил ажиллачихсан хүмүүс нь нөгөө зээлдэгч талтайгаа танил, найз нөхдийн холбоотой шахуу болчихсон учраас тэд яаж ажлаа хийх юм. Банк гэдэг бол онцгой объект, хэрүүл зарга хийсэн болгоныг байлгаад байх албагүй.

Гэтэл түүнийг таван сая төгрөгийн цалин авдаг болохыг нотлох баримт энэ байна.

Анод банкан дах бүрэн эрхт төлөөлөгч нар тус банкнаас дараах зардлууд гаргасан байна. Үүнд

1.Цалин-/БЭТ С.Насанжаргал 5 сая, бусад төлөөлөгчид 4 сая/ нийт нэг сард 21 сая төгрөг.

Доор харуулсан дүн нь гарт олгосон нь – өөрөөр хэлбэл татвар хасагдсан дүн/

2.Утас

а. Дотуур утас буюу энгийн утас

б. Гар утас

-Мобикомд нийт 640 000 төгрөг шилжүүлсэн. (Нэг хүний дундаж 128000 төгрөг)

-Гар утасны төлбөр нь одоо, мобикомоос ирж байгаа. Нийт 250 мянган төгрөг (5 хүнийх- 1 хүний дундаж 50 000төгрөг)

3.Бензин шатахуун

а. Банкны машин ашиглаж байгаа

б. 2009 оны нэгдүгээр сард 900000 төгрөгийн шатахууны зардал гаргасан. Нэг хүнд ноогдох дундаж шатахууны зардал 180000 төгрөг.

4. Хөдөлмөр хамгаалал буюу жижиг зардал (Цай сахар, кофе, сүү)

а. 2009 оны нэгдүгээр сард нийт 101026 төгрөгийн зардал гаргасан байна. Нэг хүнд ноогдох дундаж зардал.

– 20000 төгрөг.

Эдгээр зардлыг нэгтгэн тооцоход зөвхөн 2009 оны нэгдүгээр сард нийт 22890000 төгрөг гаргасан байна. Өөрөөр хэлбэл сард нэг хүн дунджаар 4578000 төгрөгийн зардал гаргажээ. (Шууд зардлыг тооцоход)

Шууд бус зардалд

1. Анод банкны машиныг унаж байгаа. Машины зардлын элэгдэл, сэлбэг хэрэгсэл

2. Машины жолоочийн зардал

3. Нарийн бичгүүд (4 нарийн бичиг ажиллаж байгаа)

4. Бусад бичиг хэрэгслийн зардал

Холбогдох баримтууд

дугаар 031/606/