мөрдөн байцаалтад буцаах шийдвэр гаргалаа. Түүнд Баянзүрх дүүргийн анхан шатны шүүхээс 11 жилийн ял оноосныг Нийслэлийн давж заалдах шатны шүүх хэвээр үлдээгээд байсан юм. Өчигдөр болсон шүүх хурлын дараа улсын начин Ц.Улаанхүүгийн өмгөөлөгч Л.Данзанноровоос зарим зүйлийг тодрууллаа.

-Ямар үндэслэлээр хэр­гийг нэмэлт мөрдөн байцаал­тад буцаасан юм бэ?

-Улсын Дээд шүүхийн хяналтын шатны шүүх хэр­гийг дахин шалгах шаард­лагатай гэж үзээд нэмэлт мөр­дөн байцаалтад буцаасан. Нэмэлт мөрдөн байцаалтад буцаж байгаа болохоор хэр­гийн талаар өөр зүйл ярих боломжгүй байна.

-Гэхдээ гэрээс нь ман­суу­руулах төрлийн бодис олд­сон гэсэн шүү дээ?

-Ц.Улаанхүүгийн ээж нь үе мөч муутай. Хамгийн хүч­тэй тайвшруулах эмийг уудаг. Эмчилгээний зүйлд хэрэг­лэж байсан энэ зүйл хураагд­сан. Үүнийг хар тамхи хураасан мэтээр ярьдаг. Энэ бол буруу ойлголт.

-Болдбаатар гэдэг хүнд хар тамхи зарсан гээд бай­гаа шүү дээ?

-Энэ асуудлыг цагдаагийн байгууллага тогтоож, үнэн мөнийг нь олох биз. Гэхдээ хар тамхи өгсөн авсныг нь хар­сан хүн байхгүй. Үнэн зөвөөр тогтоогдоно гэдэгт итгэж байна.

-Гэрч гэх Болдбаатартай уулзсан уу?

-Энэ хүнтэй уулзах шаард­лага байхгүй. Мөрдөн бай­цаах явцад мэдүүлгээ өгсөн байх.

-Ц.Улаанхүү хаана хориг­дож байгаа вэ?

-Одоо Багануурын чанга дэглэмтэй хорих ангид хориг­дож байна. Хэрэг нэмэлт мөрдөн байцаалтад буцсан болохоор цагдан хорих газар ирэх биз. Тэнсэн харгалзах ял аваад гарч магадгүй гэсэн итгэл найдвар тавьж байна.

-Биеийн байдал нь ямар байна вэ?

-Мэдээж их муу байгаа. Ээжийх нь бие ч их муу бай­на. Тархины хавдартай болохоор хоногоо хүлээгээд л байж байна. Өөрөө ч гэсэн бөөр­ний дутагдалтайгаас гад­на даралт нь ихсээд хэцүү бай­гаа гэсэн.

Ч.Бямбадулам