оддын тоглолтоо шууд дамжуулан үзүүлдэг бол бусад телевиз ихэнхдээ тулааны урлагийн тэмцээн сонгодог билээ. Харин TBS телевиз мэргэжлийн сүмогийн 68 дахь ёкозүна Асашёорюүгийн ачаар NHK-гийн Бүх оддын концертийг даван гарахаар шийджээ.

31-ний үдэш 18 цагаас TBS-ээр алдарт кино найруулагч Китано Такэшигийн хөтлөн явуулах Такэ¬шигийн спортын гавьяат цол олгох шоу 2011 нэртэй спортын нэвтрүүлэг эхэлж бүтэн таван цаг үргэлжлэх гэнэ. Хөлбөмбөгчин Казү Миүра, уран гулгалтын Андо Мики зэрэг одууд оролцох энэ нэвтрүүлгийн гол баатар нь Асашёорюү.

2011 онд дэлхийн аварга болсон Японы эмэгтэйчүүдийн хөлбөмбөгийн баг Бүх оддын багтай футзалаар өрсөлдөх тоглолтонд Асашёорюү оролцоно. Зураг авалт одоо болж байгаа бөгөөд Асашёорюүгийн хөлбөмбөгийн авьяас мэргэжлийн хөлбөмбөгчдийг ч бишрүүлж байна хэмээн Sponichi сонин өнөөдрийн дугаартаа бичжээ.

Манай аварга 2007 онд гэмтэлтэй байхдаа Монголд Японы нэрт хөлбөмбөгчин Хидетоши Накататай хамт хөлбөмбөг тоглосон хэргээр шийтгүүлж, гурван тэмцээнд оролцох эрхээ хасуулан, гэрийн хорионд орж байв.

Эх сурвалж Таван цагираг