Түүний дэлгэсэн бужиг­наанд хамгийн түрүүнд Ш.Батсүх даргатай эргүүл хам­гаа­лалтын газрын цагдаа нар өр­төх нь тодорхой болов.

Хар дэвтэр-ийн нууц тайлагдсанаар тухайн үед үүрэг гүйцэтгэж байсан алба хаагчид Гэмт хэр­гийг мэдсээр байж нуун дал­дал­сан гэх зүйл ангиар давхар ялаар шийтгүүлэх бололтой.

Цагдаагийн тэмдэглэлийн дэвтэрт үймээний үеэр буу хэрэглэсэн гэх Эргүүл хам­гаа­лал­тын газрын дарга асан Ш.Батсүх, дэд дар­га Ш.Мягмаржав, хамгаалал­тын тус­гай тасгийн дар­га Ү.Даржаа, ахлах ахлагч Мандах, Гансүх, Мөнхбаяр, Батдорж, дэд ахлагч Батцэрэн, Ганбаатар болон Я.Хорлоо-Енбүүчи, Н.Ариунболд, Ганболд, Төмөрбаатар, Мөнхтулга, А.Ууганбаяр Б.Батцэрэн зэрэг цагдаагийн алба хаагч­дын нэрс дурай­даг.

Үндсэндээ энэ дэвтэр хэн нь хэнийгээ буудсан гэдгийг нот­лох хамгийн чухал баримт болж байна. Хамгийн сонирхолтой нь Ш.Батсүх хурандаа алба хаагч­дадаа буудах тушаал өгч, галт зэвсэг хэрэглэсэн ул мөрөө балласан гэдэг нь тодор­хой боллоо.

Тухайлбал хурандаа Ш.Батсүх машин дотроосоо үй­мээнд оролцож байсан нэгэн иргэнийг буудахад ха-жууд нь байсан цагдаа нар Дарга сайн буудаж бай­н­а гэсэн байдаг. Харин өөрийнхөө болон бусад алба хаагч­дынхаа буудсан бууг Эргүүл хам­гаалалтын газрын хон­гилын 00-доо нууж, үлдсэн хэс­гийг нь Гачуурт руу аваачиж хаясан байна.

Үүнээс үзэхэд цагдаа нар ан хийж байгаа юм шиг л иргэд рүү буудаж, гал нээж байсан аж.

Харин Ш.Батсүхэд буу­дах тушаал өгсөн хүн одоохондоо тогтоогдоогүй байгаа. Тэрбээр шоронд орохын өмнө л тушаал өгсөн хүнийхээ нэрийг хэлэх биз.

Т.Энхмөнх