Салхи 20-нд зарим газраар, 21 -нд зүүн зүгийн нутгаар секундэд 12-14 метр хүрч, цасан шуурга шуурна.

Өдөртөө хүйтний эрч бага зэрэг суларч Дархадын хотгор, Идэр, Тэс голын хөндийгөөр шөнөдөө 35-40, өдөртөө 23-28 хэм, Увс нуурын хотгор, Хараа, Ерөө, Туул, Хэрлэн, Онон, Халх голын сав газраар шөнөдөө 31-36, өдөртөө 17-22 хэм хүйтэн байна.

Алтайн өвөр говь болон говийн нутгийн баруун хэсэг, Арвайхээр, Цэцэрлэг, Эрдэнэт орчмоор шөнөдөө 18-23, өдөртөө 7-12 хэм, бусад нутгаар шөнөдөө 25-30, өдөртөө 14-19 хэм хүрч хүйтэрнэ.