Талийгаачийг нас барсных нь дараа шүүх эмнэлгийн задлан шинжилгээнд оруулж, сүрьеэгийн менингит өвчнөөр амиа алдсан гэсэн дүгнэлт гаргасан. Энэ шинжилгээний ха­риуг талийгаач С.Бат­баярын ар гэрийнхэн нь хүлээн зөвшөөрөхгүй байгаа.

Ар гэрийнхэн нь хал цэр­гүүддээ зодуулсны ул­маас тархиндаа хүнд гэм­тэл авч, нас барсан гэсэн гом­­долтой байгааг бид мэ­дээл­сэн.

Мөн тухайн үед зад­­лан шинжилгээг хийсэн Б.Ариун­зул эмчтэй уулзахад өөр­­төө тун ч итгэлтэйгээр Би ямар нэгэн зүйл буруу хийж, шинжилгээний ха­риуг буруу гаргасан бол ха­риуц­лагаа хүлээж, шо­ронд оро­­ход бэлэн байна хэмээ­сэн.

Биднийг талийгаачийн та­лаар тодруулахаар Б.Ариун­зул эмчтэй уулзахад их л ширүүн байсныг дурдахад илүүдэхгүй. Намайг шал­гаадаг хэн юм. Надтай ном хаялцах гээд байгаа юм уу гэх мэтчилэнгээр зандчиж, барьц алдаж байсан. Ха­рин ч ар гэр нь гомдол гар­гаж байгаа асуудалд ул суурь­тай хандаж, тайл­бар­лахын оронд хаздаг но­хой шиг ярдаглаж, эмч хүний ёс суртахууны доголдлыг гар­гаж байсан юм. Үнэхээр л ямар нэгэн зүйлийг буруу хий­гээгүй юм бол ингэж сан­дарч, тэвдэх хэрэг байхгүй л баймаарсан. Өөрийнхөө аж­лыг тайлбарлаад ямар нэгэн байдлаар хариу өгөх байх гэж бодсон ч тэгээгүй. Ар гэрийнхэн нь талийгаачийг бие нь өвдсөний дараа эм­нэлгээр явж, үзлэг шин­жилгээ болон тархины ап­паратанд харуулахад хүнд гэм­тэл авсныг нь хэлж бай­сан юм билээ.

Шүүх эмнэлгийн үйл ажиллагаа ямар байдаг бо­лон зад­лан шинжилгээний дүг­нэлт бүгд зөв гардаг эсэх та­лаар Шүүх эмнэлгийн дэд дарга М.Энх­баяртай ярилц­сан юм.

-Танай эмнэлэг хэр их ачаа­­лалтай ажилладаг вэ?

-Маш их ачаалалтай ажил­­ладаг. Өдөрт багаар бо­до­­ход 7-8 хүн амиа алдаж ир­­дэг. Тэр бүхнийг задлан шин­­жилгээнд оруулж, дүг­нэлт гаргадаг.

-Хамгийн багадаа 7-8 хүн ирдэг гэлээ. Тэгвэл их байх үедээ хичнээн ирдэг вэ?

-Их үедээ 20-25 ирэх то­хиолдол байна.

-Шүүх эмнэлэг задлан шин­­жилгээний хэдэн эмчтэй вэ?

-25 эмчтэй. Энэ эмч нар дотроо би өөрөө ордог.

-Ийм их ачаа­лал­тай ажил­лаж байхад зад­лан шин­жилгээний хариу буруу гар­гах тохиолдол байдаг биз дээ?

-Байлгүй яах вэ. Ер нь за­рим эмч нар шинээр орж ирж байгаа. Техникээс болж бу­­руу га­рах тохиолдол ч бай­на.

-Хичнээн шинжилгээний хариу буруу гарсан бэ?

-845-аас 11 буруу дүгнэлт гарсан.

-Шинжилгээний хариуг бу­­руу гаргасан тохиолдолд ту­хайн эмчид ямар ха­риуц­лага тооцдог вэ?

-Хүмүүс гомдол гаргадаг. За­­рим эмч одоо болтол бай­цаагд­саар байна.

-Шүүх эмнэлгийн эмч на­­рыг хахууль авдаг гэж ярь­­даг?

-Энэ бол ташаа ойлголт. Харин ч манай эмнэлгийн эмч нар бусад эмчийг бод­вол амьдралын түвшин доо­гуур байдаг.

Шүүх эмнэлгийн дэд дар­­га М.Энхбаяр ийм зүйл ярьсан юм. Биднийг өө­рийнх нь удирдлагад бай­даг эмчийг буруутгах зүйл асуухад ха­риу­лахгүй нь мэ­дээж. Бүр өмөөрөх нь то­дорхой. Гэсэн ч тэрбээр шүүх эмнэлэг бу­руу дүгнэлт гаргах бо­ломж­тойг хэлж байлаа. Та­лий­гаач С.Батбаярын ту­хайд цэргүүдэд зодуулж, ул­маар тархиндаа хүнд гэм­тэл авч нас барсан хэ­мээн ар гэрийнхэн нь гом­дол­той байгаа. Гэтэл Дотоо­дын цэргийн 805 дугаар ан­гийн захирагч хурандаа Ж.Цогт­баатар шүүх эмнэлгийн эмч нарыг зөв шинжилгээ хийсэн гэж ам бардам хэлж байсан.

Үнэхээр л шүүх эмнэл­гийн эмч үнэн зөв шин­жил­гээ гаргасан юм бол цэрэг тат­лагын эмч нар өвчтэй хү­нийг цэрэгт тат­санаараа хариуцлага хү­лээх нь дамжиггүй. Цэрэг татлагын комиссын эмч нар биш юм аа гэхэд амиа алдсан цэргийн учир битүүлэг үхлийн хэ­рэгт хэн нэгэн хүн гэм бу­руутай нь нэгэнт илэрхий бол­жээ. Эл хэргийн талаар дараа дараа­чийн холбогдох хү­мүүстэй уулзаж,үнэн мө­нийг эрэн сур­вал­жилж хү­р­гэх болно.