хэсгээс нэгээр шалгарсан найман баг хоёроор гарсан наймтайгаа халз тулах байдлаар явуулсан. Киприйн АПОЭЛ G хэсгийг тэргүүлж шуугиан тарьсан бөгөөд нокаут шатанд түүнтэй таарахыг бүгд хүсч байв. Харин тэрхүү азтан нь Францын Лион болж таарлаа. Тэд хоёр жилийн өмнө Аваргуудын лигийн их шөвөгт шалгарч, түүхэндээ шинэ хуудас нээж байсан. Тэгвэл энэ жил шөвгийн наймд үлдэх магадлал ихтэй болов. Энэ даваанд анх удаа Оросын хоёр баг гарч ирсэн. Тэдний нэг болох ЦСКА хэцүүхэн сугалаа татаж, Реал Мадрид-ын аманд очив.

Харин Зенит Португалийн Бенфика-тай таарсандаа баярлаж байгаа биз ээ. Учир нь нэгээр гарсан найман багаас АПОЭЛ, Бенфика хоёр л арай боломжийн учраад тооцогдож байсан юм. Томчуудаас зугтаж чадсан Зенит боломжоо ашиглаж чадвал дунд шөвөгт шалгарах боломж байна. Тэгвэл энэ шатны хамгийн хатуу оноолтоор Милан-Арсенал-ыг нэрлэж болно.

Хоёр баг хоёрдугаар сарын 15-нд Сан Сиро-д тоглох бол гуравдугаар сарын 6-нд Эмирейтс цэнгэлдэхэд хариу тулаан болно. Мөн Наполи-Челси-гийн дуэль ч сонирхолтой өрнөх биз ээ.

Шөвгийн 16-гийн оноолт

Лион (Франц) – АПОЭЛ (Кипр)

Наполи (Итали) – Челси (Англи)

Милан (Итали) – Арсенал (Англи)

Базель (Швейцарь) – Бавари (Герман)

Байер (Герман) – Барселона (Испани)

ЦСКА (ОХУ) – Реал (Испани)

Зенит (ОХУ) – Бенфика (Португал)

Марсель (Франц) – Интер (Итали)

Эх сурвалж Таван цагираг

Бага шөвгийн эхний тоглолт хоёрдугаар сарын 14, 15, 21, 22-нд, хариу тоглолт гуравдугаар сарын 6, 7, 13, 14-нд болно.