Лейкерс-т бус, тус хотын нөгөө баг Клипперс-т ирэв. Клипперс түүнийг авсныхаа хариуд хамгаалагч Эрик Гордон, төвийн тоглогч Крис Каман, довтлогч Аль-Фарука Амину гэсэн гурван тоглогчийг драфтын нэгдүгээр бүсийн эрхтэй өгсөн байна. Энэ наймаанд хоёр тал хоёул сэтгэл хангалуун үлдсэн нь тодорхой. Клипперс-ийн хувьд Б.Гриффин дээр суурилж шилдэг баг бүрдүүлэхийг зорьж байгаа.

Үүний эхлэл болгож нэгэн супер холбогчтой боллоо. Полын гайхалтай дамжуулалтаар Гриффин аймшигтай данк хийнэ гэж бодохоор Клипперс-ийн тоглолт олон хүнийг татах нь гарцаагүй. Нью-Орлеан-ы хувьд лидер тоглогчоо Кливленд шигээ зүгээр алдчихсангүй, гурвын зэрэг давгүй тоглогч, бас драфтын эрхээр арилжиж дөнгөв. Тэрхүү драфтын эрх нь Миннесота-д харьяалагдаж байгаа болохоор ирэх жил дээгүүр байраас сонголт хийх магадлал өндөр.

Уг нь Клипперс энэ драфтаа ашиглаад ирэх жил авьяаслаг залуу тоглогч авах боломжтой байсан. Гэвч илүү богино хугацаанд амжилтад хүрэхийн тулд К.Полыг элсүүллээ. Түүнчлэн Клипперс тэр өдрөө Нью-Йорк-т гологдсон Чонси Биллапстай гэрээ байгуулжээ. Ингэснээр тус баг К.Пол, Ч.Биллапс, М.Уильяме, Э.Бледсоу гэсэн дөрвөн холбогчтой болжээ. Одоо дасгалжуулагч Дель Негрогийн өмнө эдгээр тоглогчдоо зөв ашиглах амаргүй даалгавар тулгарч байна.

Юутай ч К.Полын энэ шилжилт Өрнөд бүсийн хүчний харьцаанд, томоохон өөрчлөлт оруулах нь тодорхой. Энэ бүсийн багуудын хүч өдөр ирэх тусам суларч байгааг бодолцвол Клипперс эндхийн шилдгүүдийн тоонд гарцаагүй орно. Тиймээс тэд таван жил дараалан плей-оффын гадна үлдсэн хар цувралаа таслах байх.

Бүрэлдэхүүн нь ч дажгүй хүчирхэг болсон. Төвийн байрлалд 211 см өндөртэй А.Жордан бий. Мөн тэд Даллас¬ын хөнгөн довтлогч Кэрон Батлертай гурван жилийн гэрээг үзэглэж дөнгөсөн. Түүний нэг тоглолтод авдаг 16 оноо Клипперс-т ихээхэн тус болно. Тэгээд дээр нь Гриффин, Пол, Биллапс, Р.Фой гэсэн тоглогчидтой баг бүстээ дээгүүр өрсөлдөх нь гарцаагүй.

Эх сурвалж Таван цагираг