Б.Цэвэлмаа, Б.Норжмаа нарыг эх оронд нь шилжүүлэн авах тухай хүсэлтийг өнгөрөгч хавар тус улсын эрх бүхий албанынханд Хууль зүй, дотоод хэргийн сайд Ц.Нямдорж уламжилсан. Эл хүсэлтийг тус улсын эрх бүхий албаныхан нааштайгаар шийдвэрлэж тэднийг өчигдөр эх оронд нь буцаасан байна.

Эгч дүүсийн хятадад ял сонсох болсон учир нь 2008 онд Улаанбаатараас БНХАУ руу зорчихдоо нэгэн үл таних Өвөрмонгол иргэний захиалгаар мансууруулах төрлийн бодис тээвэрлэж явсныг нь Эрээний боомтын гаалийн байцаагч нар илрүүлж хятадын цагдаа нарт хүлээлгэн өгчээ.

Тэдний тээвэрлэж явсан бодис нь каннабисын төрлийн бодис болох нь тогтоогдож тус улсын Ардын шүүхээс 15-20 жилийн хорих ялыг оноогоод байсан юм.

Н.АЛТАНЦЭЦЭГ