оруулах тухай хуулийн төслийг хэлэлцлээ. Хаалттай хуралдааны дараагаар МАН-ын бүлгийн дарга Ө.Энхтүвшин сэтгүүлчдэд мэдээлэл хийсэн юм. Хуульд зааснаар сонгууль болохоос зургаан сарын өмнө Үндсэн хуульд нэмэлт өөрчлөлт оруулсан байх ёстой гэж заасан байдаг. Тиймд хугацааны хувьд тун давчуу хугацаа үлдэж буй аж.

Иймээс энэ сард багтаан дээрх хуульд өөрчлөлт оруулж чадахгүй бол ирэх жил шинээр байгуулагдах парламент уг хуулийг гүйцээн батлах болно. Энэ тухайд МАН-ын бүлгийн дарга Ө.Энхтүвшин Энэ удаад бид хуульд өөрчлөлт оруулахын төлөө томъёоллуудаа хоёр талаасаа нийлүүлээд ажиллахыг хичээж байна. Ирэх саналууд байгаа учраас бас хүлээж байна.

Дээрээс нь хугацаа тун богино үлдсэн учраас амжвал энэ сардаа багтаагаад батална. Эс бөгөөс цаашдаа судалгаагаа үргэлжлүүлж, дараагийн УИХ байгуулагдахад бэлэн материал болон үлдэх ёстой гэж үзэж байна хэмээн хэлэв. Нэр бүхий гишүүдийн өргөн барьсан хуулийн төслийн хүрээнд хоёр чиглэлээр өөрчлөлт оруулахаар хэлэлцжээ. Үүнд Засгийн газрын гуравны нэгээс илүүгүй хувь нь УИХ-ын гишүүн байж болно гэсэн хязгаарлалтыг оруулж өгөх.

Одоогийн байдлаар хуулийнхаа хүрээнд Засгийн газрын гишүүн нь бараг 100 хувь УИХ-ын гишүүн байсан ч болохоор байгаад байдаг. Тийм учраас гуравны нэгээс илүүгүй гэж хязгаар тавихаар болжээ. Нөгөө нь Үндсэн хуулийн дөрөвдүгээр бүлэгт зааснаар Засаг захиргаа, нутаг дэвсгэрийн нэгж, түүний удирдлага гэсэн 60 дугаар зүйлийн хэсэгт өөрчлөлт оруулахаар зааж өгчээ.

Энэ нь сумын Засаг даргыг сумын нийт иргэд сонгодог байх. Багийн даргыг сумын Засаг дарга нь томилдог байх. Харин аймгийн Засаг даргыг аймгийн НИТХ-ын тэргүүлэгчтэй зөвшилцөж Ерөнхий сайд нь томилдог байх. Нийслэлийн Засаг дарга нь дүүргийн Засаг даргыг томилдог байх, ба дүүргийн Засаг дарга нь хорооны Засаг даргаа сонгодог байх тухай өөрчлөлтүүд юм.

Ч.УЯНГА