байгууллагууд ажлаа дүгнэж, хөдөлмөр эрхлэлтийн жилийн хаалтын ажиллагааг хийв. Хөдөлмөр эрхлэлтийг дэмжих жил-ийн ажлыг үр дүнтэй болгохын тулд төр, хувийн хэвшлийн төлөөллөөс бүрдсэн 14 хүний бүрэлдэхүүнтэй Үндэсний хороо, таван дэд хороо байгуулж, Ерөнхий сайд өөрөө тэргүүнээр ажилласан юм.

Энэ онд 1,5 их наяд төгрөгийн эх үүсвэрийг хөдөлмөр эрхлэлтийг дэмжих арга хэмжээнд зориулахаар УИХ, Засгийн газраас шийдвэрлэсэн. Энэхүү төсвийн хөрөнгөөр хөрөнгө оруулалт, бонд гаргах, жижиг дунд үйлдвэрийг дэмжих, сангуудын үйл ажиллагааг өргөжүүлэх, төр хувийн хэвшлийн хамтын ажиллагааг өргөжүүлэх чиглэлээр зарцуулсан байна. Оны эхний 11 сарын байдлаар 60 гаруй мянган ажлын байр шинээр бий болсон бол хамгийн сүүлийн мэдээллээр буюу арванхоёрдугаар сарын 13-ны байдлаар улсын хэмжээнд 72080 ажлын байр бий болсныг хаалтын ажиллагааны үеэр танилцуулав.

Энэ үеэр Ерөнхий сайд С.Батболд 2011 онд 72 мянга гаруй хүн шинээр байнгын ажлын байртай болж, Хөдөлмөр эрхлэлтийг дэмжих жил-ийн ажлын зорилт тоо, чанарын хувьд амжилттай биелсэн бүтээлч он байлаа. Энэ жилийн гараа ирэх жилүүдэд улам эрчимжиж, бага өрлөгөтөй өрхийг дэмжих ажлыг тууштай хэрэгжүүлэх болно гэж хэлжээ. Дашрамд дурьдахад Үндэсний хөрөөнөөс баталсан таван бүлэг, 54 заалт бүхий төлөвлөгөөний биелэлт 92 хувьтай байгаа нь бараг буран биелэсэн гэсэн үг юм.