Тэрбээр луйвар хийх, намын хорооны гишүүддээ мөнгө төгрөг өгөх, хүмүүсийг архи­дуулах гэхчилэн есөн шидийн аргаар аймгийн намын даргын ажлыг аваад хоёр жил болж байна. Намын ажлаа олигтойхон хийдэггүйг гишүүд нь ярьдаг. Харин түүний намын дарга нэр зүүж явсан хоёр жилийн хугацаанд хийсэн ажил нь хүн зодох, газар най­маалах, хэн нэгнийг шан­таажлах аж.

Ардын намынхны хувьд ирэх сонгуулиар Дорнодын зүгт баяртайгаар харж болохоор байна. Учир нь түмэнд нүүрээ, түймэрт хор­мойгоо барсан даргатай Дор­нодын Ардчилсан намынхан ялах­гүй нь нэн тодорхой юм. Тэр ч байтугай Г.Болдбаатар гэж энэ нөхөр аймгийнхаа МАН-ынхантай ил далд янз бүрийн хэлбэрээр үгсэн нийлж, халаас түрийвч нэг­тэй болсоор уджээ.

Түүнийг согтуудаа хүн зодоод, эрүүлжүүлэгдэхэд айм­гийн МАН-ын гишүүд болох ИТХ-д суудаг нөхөд эрүүл­жүүлэхээс гаргаж авдаг байх юм. Үүгээр ч зогсохгүй мань эр далдуур МАН-ынхан­тай УИХ-ын болоод орон нутгийн сонгуулиар хэрхэн хуй­валдаж ажиллахаа ярьж тохирсон байдаг гэнэ.

Надад дахиад хэдэн сая төгрөг бэлнээр өгчихвөл би ирэх сонгуулиудаар танай талд ажиллана. Эцсийн эцэст АН гэж юу юм бэ гэхчилэн халамцуу ярьсныг нь намынх нь зарим нөхөд сонссон байна. АН ч эцсийн бүлэгтээ иймэрхүү дампуу л даа. Иймэрхүү болдбаатарууд ер нь энэ намд цөөнгүй байгаа байх шүү. Бүхэл бүтэн нэг аймаг хариуцсан намын дунд шатны дарга нь өрсөлдөгч намынхантайгаа намаа худалдах, сонгуулиар ялагдуулах, оронд нь мөнгө авах тухай яриад явж байдаг. Яг энэ өнгөөрөө бол АН ирэх сонгуульд ялахгүй. Өнөөдөр авсан суудлаа ч хадгалж үлдэж чадахгүй.

Намыг удирдаж, даргалж буй лидерээр нь ард түмэн, сон­гогчид эхлээд үнэлдэг. Да­раа нь тэр сонгуулийн мө­рийн хөтөлбөр, хийж буй ак­цуудаар нь үнэлгээ тавих байх. Энэ үнэлэмжээрээ бол Дорнод аймагт АН бу­даа болно. Тус аймгийн МАН-ынхан Энэ АН Болд­баа­тар­тайгаа сонгуульд ор­чихоосой билээ хэмээн ба­раг бурханд залбирдаг гэх. Г.Болдбаатар гэсэн дар­га­­тай­гаа тус айм­гийн АН сонгуульд орвол МАН-ынхан ялна.

МАН-ынхан сонгуулийн кампанит ажил нэг их явуулаад байх ч шаардлага тус аймагт байхгүй гэнэ. Дор­нодчууд Аа энэ муу Болд­баатарт хэн санал өгдөг юм гээд АН-ыг цааш түлхэх нь то­дорхой ажээ.

Г.Болбаатарт хавтаст хэр­гүүд нээгдсээр байна

Дорнодын АН-ын дарга гээд байгаа Г.Болдбаатарын хувьд дорнодчуудын дургүйг хүргэсэн олон шалтгаантай юм байна. Жишээ нь энд тэнд хүн зодоод явдаг нь ол­ны дургүйцлийг ихээхэн хүр­гэдэг ажээ.

Нөхөр Ульханы хилийн боомт дээр Гаалийн улсын бай­цаагч Ц.Оюунхандыг шаард­лага тавилаа хэмээн зо­дож нуруу, баруун га­рыг нь хугалжээ. Ингээд түүнд Эрүүгийн хуулийн 223.2, 172.2 зүйл ангиар 207188 тоот хэрэг үүсгэн шал­гуул­сан юм байна. Тэгсэн нөх­рийн балмад зан дахиад хө­дөл­жээ.

2008 оны зургаадугаар са­рын гуравны өдөр тус айм­гийн нутаг Шаазан нуур гэх газарт О.Хүрэлбаатар, Н.Ган­баатар нарын хамтаар хун шувуу буудаж алжээ. Үү­нийг нь мэдсэн байгаль орч­ны байцаагч н.Энхбаатар очиж шаардлага тавихад мань нөхөр барьж аваад бал­баж гарсан байна. Гарт нь эгээ­тэй амь үрэгдчихээгүй бай­галь орчны байцаагч н.Энх­баа­тар арай гэж зуг­тааж га­раад цагдаад мэдэгд­сэнээр Г.Болдбаатар нарыг баривч­луул­сан аж. Энэ хэрэгтээ тэрбээр Эрүүгийн хуулийн 203.2, 230.2 гэсэн зүйл ангиар 20807366 тоот хэрэг үүс­гүүлсэн байна. Ингээд нэг их удалгүй дахиад юм нь хө­дөл­жээ.

2009 оны гуравдугаар са­рын 16-ны орой То ван гэж зочид буудалд архидан сог­туурч байгаад иргэн Л.Дорж­жанцанг мөн л учир зүг­гүй жанчиж, гэмтэл уч­руул­сан байна. Тиймээс Эрүү­гийн хуу­лийн 99.1 гэсэн зүйл ан­гиар 20907146 тоот хав­таст хэрэг үүсгүүлжээ. Дор­нод аймгийн АН-ын дарга гэх Г.Болдбаатарын үйлдсэн эрүү­гийн гэмт хэргүүд энэ мэ­тээр цааш үргэлжлэх нь.

Тэгэхээр Н.Алтанхуяг дар­га аа, аймгийн намын дар­га нар чинь нэг иймэрхүү эрүү­гийн элементүүд байдаг юм байна шүү дээ. Та бодвол на­маа ялуулах гэж ирэх сон­гуулиар үзэж тарах байх. Гэтэл ард түмний дунд нэр нүүрээ барчихсан, ард түм­нээ сонгогчдоо байнга зо­дож жанчиж, дарамталж яв­даг эрүүгийн элементээр удир­дуулсан орон нутагт чинь ялалтын үнэр байх уу.

Г.Болдбаатар гэгч нөх­рийн баривчлагдаж ачиг­дах­гүй байгаа ганц шалтгаан нь тус аймаг дахь АПУ-гийн сал­барт гэрээт борлуулагчаар ажилладаг байна. Эхнэр нь нэг байшингийн буланд мух­лаг ажиллуулж түүгээрэй ар­хи, пивоор Дорнодынхныг угж­даг бололтой. Орлогоос нь таван цаасны ашиг гэж өгөхөөр мань эр архи авч уугаад, давхиад хүн зод­дог аж. Түүнээс биш Г.Болд­баа­та­рын намын ажил энэ тэр лөөлөө болжээ. Түүний ярь­даг улстөр нь аймгийн МАН-ынхан дээр давхиж очиж Ирэх сонгуулиар энэ аймагт АН хэрхэн оролцох хувь заяа миний гарт байна. Та нар 50 саяыг л надад бэл­нээр өгчих, тэгэх юм бол та­най намыг ялуулаад өгье гэж ярьдгийг Дорнодоор нэг ярь­саар байна.

Г.Болдбаатар газар ху­далдана гээд хулхиджээ

Дорнод аймгийн АН-ын дар­­­га гэх Г.Болдбаатарын хам­гийн сүүлийн үед тариад бай­­гаа ноцтой үйлдэл нь хүн зо­­дох бус гадныханд газар зар­на хэмээн олон сая төгрөг хя­та­дуудаас авсан үйлдэл нь юм.

Г.Болдбаатар нь БНХАУ-ын хөрөнгө оруулалттай ЖАИБ компаниас Халх­голд газар олгож өгнө хэмээн хуу­ран мэхэлж, 30 сая төг­рөг авсан нь баримтаар тог­тоог­­дож, хууль хяналтын бай­­гуул­лагад шалгагдаж эхэл­­жээ. Энэ тухай илүү ноц­той баримтууд аймгийнх нь МАН-ныхны гарт хэдийнэ ор­сон аж. Г.Болдбаатартай тус аймгийн АН-ынхан сон­гуульд орсон үед нь МАН-ын­хан энэ мэт баримтыг нь гаргаж ирээд нэг мөсөн дуус­гахаар зэхжээ. Ийм бо­ло­хоор ирэх сонгуулиар АН-ын зүгээс Дорнод аймагт ял­на гэсэн ойлголт байхгүй бо­­лол­той, Н.Алтанхуяг дар­га аа.