ОХУ нь тэргүүлэх эдийн засагтай О20-ийн улс орнуудаас ДХБ-д элсээгүй үлдсэн ганц орон байсан юм.

Орос улс ДХБ-д элсэх хүсэлтээ гаргаснаас 18 жилийн дараа элссэн энэ. Бусад улс зургаа орчим жилийн дотор ДХБ-д элсдэг бөгөөд ОХУ нь гурав дахин урт хугацааны турш зөвшөөрсөн хариу өгөхийг хүлээжээ. ОХУ сүүлийн жилүүдэд ДХБ-ын ерөнхий хэлэлцээр болох ГАТТ-д элсэж, холбогдох хуулиудад нэмэлт өөрчлөлт оруулан ДХБ-ын дүрэмд нийцүүлсэн ч тус улсыг зах зээлийн эдийн засагт шилжиж дуусаагүй гэсэн шалтгаанаар элсэхийг хориглосоор иржээ. Харин саяхны судалгаагаар шилжилтийн бус зах зээлийн эдийн засагтай орон гэдгийг тогтоосон юм. Мөн хамгийн гол саад болж байсан зүйл бол Гүрж Уясын ОХУ-ыг элсэхийг эсэргүүцэж байсан явдал аж. ДХБ нь дэлхийн ихэнх улс орнуудыг багтааснаас гадна нийт худалдааны 97 хувийг хамардаг байгууллага юм.

ДХБ-ын ерөнхий захирал хэлэхдээ, ОХУ ДХБ-д элссэн нь тухайн улс орон болон дэлхийн олон талт худалдааны механизмын хэмжээнд түүхэн ач холбогдолтой цаг мөч юм гэжээ. ОХУ ДХБ-ын гишүүн болсноор гишүүн улсуудын зүгээс тавьсан хориг арга хэмжээнүүдээс бүрэн ангижрах бөгөөд ингэснээр ОХУ-д маш ашигтай байдал үүсч байгаа ажээ.

Б.Бат-Эрдэнэ