тодрууллаа. Монголын спортын сэтгүүлчдийн холбооны гишүүн спортоор дагнан бичдэг сэтгүүлчид болон хэвлэл мэдээллийнхний саналаар шилдэг спортын холбоо, шилдэг ерөнхийлөгч, тамирчин, дасгалжуулагчдыг шалгаруулсан. Энэ жилийн спортын холбооны шилдэг ерөнхийлөгчөөр Монголын Буудлагын холбооны тэргүүн УИХ-ын гишүүн Э.Мөнх-Очир шалгарлаа.

Спортод ээлтэй эрхэм гишүүн Буудлагын холбоог удирдан Монголын буудлага спортын хөгжилд бодитой хувь нэмэр оруулсныг ийнхүү зохих ёсоор нь үнэлжээ. Ялангуяа гадаад харилцааг хөгжүүлж Буудлага спортын ордонтой болох нүсэр ажлыг Кувейтын сантай хамтран хэрэгжүүлэхээр болсон нь Үндэсний олимпийн хорооны талархалыг хүлээсэн.

Монголын буучид дасгалжуулагчид өөрийн гэсэн орчин үеийн, спортын бүхий л шаардлага нөхцлийг хангасан ордонтой болж байгаадаа баяртай байна. Гавъяат тамирчин О.Гүндэгмаа нарын Монголын шилдэг буучдын ур чадварыг олон улсын хэмжээнд хүлээн зөвшөөрүүлж гадаадын нэртэй компаниар ивээн тэтгүүлэх болсон.

Мөн ихээхэн зардал шаарддаг буудлагын сум хэрэгсэлээр байнга тогтвортой хангах ажлыг зохион байгуулж нийтдээ 20 сая төгрөгийн асуудлыг шийдэж чаджээ. Ийнхүү Э.Мөнх-Очир гишүүн Монголын буучидын итгэл найдварыг биелүүлж оны шилдэг Ерөнхийлөгчөөр шалгарчээ.