Боловсролын байгууллагад ажиллагсдыг эрүүл мэндийн үзлэгт үнэ төлбөргүй хамруулна
Д.Дэмбэрэлд өргөн барьжээ. Боловсролын тухай багц хуулийг 2002 онд шинэчлэн баталснаас хойш хоёр удаа нэмэлт өөрчлөлт оруулжээ. Хуулийн төсөлд бага, дунд боловсролын стандарт, хөтөлбөрийг олон улсад нийтлэг хүлээн зөвшөөрөгдсөн стандартад нийцүүлэх мөн бага, дунд боловсрол эзэмших хугацааг 21 дүгээр зууны иргэнийг төлөвшүүлэхэд хангалтгүй хэмээн үзэж ерөнхий боловсролын сургалтын бүтцийг 5+5+2 гэсэн бүтэцтэй болгох хуулийн зохицуулалтыг хийх шаардлагатай байгааг ч төсөлд тусгажээ.
Одоо мөрдөгдөж байгаа Боловсролын тухай хуулийн дагуу ерөнхий боловсролын сургуулийн захирал, цэцэрлэгийн эрхлэгчийг сум, дүүргийн Засаг дарга томилж байгаа нь Засаг захиргаа, нутаг дэвсгэрийн нэгж түүний удирдлагын тухай хуультай зөрчилдөж байгааг хуульд нийцүүлэн аймаг, нийслэлийн Боловсрол, соёлын газартай зөвшилцөн аймаг, нийслэлийн Засаг дарга томилох, мөн газрын үр дүнгийн гэрээг дүгнэсэн санал, дүгнэлтийг үндэслэж чөлөөлөх талаарх зохицуулалтыг тусгасан байна.
Эдгээрээс гадна Боловсролын байгууллагад ажиллагсдын нийгмийн баталгааг хангах талаар дараах зохицуулалтыг тусгасан байна. Тус өөрчлөлийн дагуу багш ажилчид таван жилд нэг удаа эрүүл мэндийн урьдчилан сэргийлэх үзлэг, шинжилгээнд үнэ төлбөргүй хамрагдана. Үзлэгт хамрагдах асуудлыг аймаг, нийслэлийн Засаг дарга, боловсрол, эрүүл мэндийн бусад төрийн байгууллагуудтай хамтран зохион байгуулах юм байна. Мөн манай улсад чанарын хувьд хангалтгүй их дээд сургуулиуд олон байдаг ч харьяа байгууллага гэсэн нэр томьёог ашигласнаар дээд боловсролын салбарт зөрчилтөй нөхцөл байдал үүсч байгаа аж.
Харьяа удирдах сургуулийнхаа нэр хүндээр хэрэглэгчийг татах сөрөг жишиг тогтох болсныг өөрчлөхөөр төсөлд тусгажээ. Боловсролын байгууллагад ажиллагсдын нийгмийн баталгааг хангах чиглэлээр өөрчлөлт оруулахаар тусгагджээ. Тус өөрчлөлийн дагуу багш ажилчид таван жилд нэг удаа эрүүл мэндийн урьдчилан сэргийлэх үзлэг, шинжил-гээнд үнэ төлбөргүй хамрагдана. Үзлэгт хамрагдах асуудлыг аймаг, нийслэлийн Засаг дарга, боловсрол, эрүүл мэндийн бусад төрийн байгууллагуудтай хамтран зохион байгуулах юм байна.
Б.НЭРГҮЙ
