Саяхан баталсан Сонгуулийн тухай хуулиар сонгуульд оролцогч нам, эвслүүд Сонгуулийн Ерөнхий хорооноос сонгогчдын нэрсийн жагсаалтыг авах эрхийг нээж өгсөн нь ийм байдалд хүргэсэн байна. Үүнтэй холбоотойгоор Д.Лүндээжанцан гишүүн Сонгогчдын нэрсийн жагсаалт нам эвсэл дамжаад явдаг задгай зүйл болчих вий дээ. Манайх шиг цөөн хүн амтай оронд хувь хүний мэдээллийг ингэж ил болгох нь араасаа асуудал дагуулах магадлалтай гэсэн шүүмжлэлийг хэлсэн.

Харин З.Энхболд гишүүн гадаадын орнуудын практикаас иш татаж, Сонгогчдын нэрсийн жагсаалтыг нууцлах шаардлагагүй. Үүнийг ил болгох нь сонгуулийн ил тод байдалд нөлөөлнө гэж зүтгүүлсээр хуульд оруулсан юм.

Тэгэхээр сонгогчдын нэрсийн жагсаалт дахь иргэний овог нэр, хаяг зэрэг мэдээлэл ирэх сонгуулиар нам, эвсэл дамжаад ямар ч хяналтгүйгээр цацагдах болох нь ээ.