өнгөр­сөн долоо хоногийн баа­сан гарагт бослого эхэлсэн бөгөөд одоогоор 15 хүн амиа ал-даад байна.

Гэтэл Жанаозен хотынхныг дэмжин, хохирогсдыг өм­гөөлсөн хөдөлгөөн Казахс­таны бусад хотод гарч эхэллээ. Мягмар га-рагт Актау хотод болсон эсэргүүцлийн жагсаалд 5000 гаруй хүн оролцсон байна. Энэ үеэр цагдаагийнхан болон босогчдын хоо­ронд мөргөлдөөн дэг­дэж, 100 гаруй хүн шархдахын зэрэгцээ бэр­тэж гэмтжээ.

Түүнчлэн Казахс­таны хамгийн том хот болох Аламтид томоохон хэмжээний бос­лого дэгдэх сураг гар­сан нь тус улсын эрх баригчдыг түг­шээж байна. Ийнхүү Жанаозенд дэгдсэн бослого Казахстаны баруун хэсгийн Актау хотод халдварласан нь Казахстан улсад хувьсгал дэгдэхэд ойрхон ирснийг харууллаа. Хамгийн гол нь Казахстаны эрх баригчид газрын тосны томоохон үйлдвэрүүдийн ажилчдын цалинг нэмүүлэх талаар ямар нэг дорвитой арга хэм­жээ авахгүй байгаа нь том асуудал үүсгэх шинжтэй.

Эдгээр үйл явдал нь 2011 он гарснаас хойш Арабын ертөн­цөд дэгдсэн хувьсгалын салхи Казахстаныг дайрах магад­лал маш өндөртэйг илт­гэж байна хэмээн Европын хэвлэлүүд мэдээлж эхэллээ.

Актау хотын босогчид Ард түмнийг буудахаа боль гэсэн уриа лоозонтойгоор жаг­саалаа үргэлжлүүлж буй талаар Ройтерс агентлаг мэдээлэв. Түүнчлэн хотод болсон жагсаалын үеэр иргэд Ерөн­хийлөгч Нурсултан Назарбаевыг эсэргүүцэж буйгаа илэрхийлсэн байна.

Эцэст нь өгүүлэхэд газрын тосны үйлдвэрийн ажилчид зургаан сарын өмнөөс л цалингаа нэмүүлэхийг шаардаж эхэлсэн ч амжилт ололгүй өнөөдрийг хүрчээ.

Д.Оюунбаатар