Ийнхүү асуулга тавих болсон нь сүүлийн үед зарим хэвлэл мэдээллийн хэрэг­слээр УИХ-ын зур­гаан гишүүн, түүний дотор Ховдоос сонгогдсон хоёр гишүүн БНХАУ-ын 100 хувийн хөрөнгө оруулалттай Мон Эн Ко компаниас сан­хүүжилт авч, Хөшөөтийн уур­хайг стратегийн ордод оруулах­гүй хам­гаалж байна гэсэн агуул­гатай мэдээлэл гарч бай­гаатай холбоотой аж.

Тиймээс асуулгаараа дам­жуулан Хөшөөтийн уурхайг стратегийн ордод оруулахгүй байх ашиг сонирхлын үүднээс тодорхой үйлдэл болон эс үйлдэл гаргаж, ЭБЭХЯ-нд хандсан гишүүдийн талаарх мэдээллийг олон нийтэд ил тод болгохыг Д.Зоригт сайдаас хүссэн байна.

Мөн Мон Эн Ко ком­пани өөрийн албан ёсны сайтдаа уг ордыг 460.0 сая тонн нөөцтэй гэж мэдээлсэн мөртлөө Хонгконгийн хөрөнгийн бирж дээрх танилцуулгадаа 2.5-4.5 тэрбум тоннын нөөц­тэй хэмээсэн гэдгийг дур­даад, 2008-2010 онд хийгдсэн хайгуулын үр дүнд уг ордын нөөц ямар хэмжээнд хүрснийг тодруулж өгөхийг хүс­чээ. Тогтоогдсон нөөц нь Хөшөөтийг стратегийн ордод хамрагдах нөхцөлийг хан­гаж байгаа эсэх талаарх ЭБЭХЯ-ны албан ёсны байр суу­рийг ч С.Бямбацогт гишүүн сонирхсон байна.