Охид, эмэг­тэй­чүүдийг архи, тамхи, мансууруулах бодисоос урьдчилан сэр­гий­лэх нь сэдэвт өргөн хэлэл­цүүлэг тус холбооны бай­ранд 12 дугаар сарын 19-нд болж өнгөрлөө.

Дээрх хэлэлцүүлэгт Гал голомт төрийн бус бай­гууллагын тэргүүн Д.Мөн­хөө, Монголын эмэгтэйчүүд хүүх­дийн архи, мансуурлын эсрэг нийгэмлэгийн тэргүүн болон гүйцэтгэх захирал, Хан-Уул дүүргийн наймдугаар хорооны Засаг дарга болон 6,7,8 дугаар хорооны нийгмийн ажилт­нууд, Баянзүрх дүүр­гийн иргэд, Нийслэлийн ахмад багш нарын холбооны багш нар, Оюуны эрэл оюу­ны холбооны тэргүүн болон хэв­лэл мэдээллийн ажилт­нууд оролцсон юм.

Хэлэлцүүлгээр Монгол Ул­сын Ерөнхийлөгч Ц.Эл­бэг­доржийн санаачилсан Ар­хигүй Монголын төлөө хамтдаа гэсэн уриалгыг дэмжин ажиллаж, архидалт болон архидалтын эсрэг ямар гарц бай­на вэ гэсэн асуулгад санал бодлоо солилцож, өөр өөр өнцгийн санал санаа­чил­гууд гаргалаа.

Ту­хайлбал, төрийн бүх арга хэм­жээг архигүй байх, архи ууж бай­гаа шалтгаан нөх­цөлүүдийг судлах, архины үйлд­вэрүүдийг төрийн хянал­тад авах, гэр бүлийн зөв­лөгөө өгөх төв ажиллуу­лах, сэт­гэл­зүй­чид хан­дах, оюутны хот­хонд архи дамлан зарж бай­гаа явдлыг хянаж зохицуулах з­эрэг санал гар­гав. Түүнчлэн эмэг­тэйчүүдийн банк бай­гуу­лах буюу эмэг­тэй­чүүдэд бага хүүтэй зээл олгож, жижиг, дунд үйлд­вэрүүдийг дэмжих, хонхны баярыг архигүй тэмдэглэх, гуравдугаар сарын найман, зур­гаадугаар сарын нэгэн гэх баяруудыг архигүй тэм­дэг­лэцгээе гэдэг уриалга гар­гахаар хэлэлцүүлэгт оролцогсод санал нэгдсэн юм.

Эдгээрээс гадна хороо­дод дэмжих бүл­эг бай­гуулах, баар рес­торануу­дын тоог цөөлж, залуу­чуу­дын соёл амралтын төвүүдийг байгуулах, эмгүй эм­чилгээний сургалт явуу­лах, телевизүүдээр гардаг архи сурталчилсан олон ангит кинонуудыг цөөлөх, 21 нас хүрээгүй залуучуудад архи худалдаалахыг зогсоох нь зүйтэй гэж үзжээ.