Том Крузын охин хамгийн нөлөөтэй хүүхдүүдийг тэргүүлэв
энэхүү судалгаагаар шилдэг 20 хүүхдийг шалгаруулсан байна.
Судлаачид жагсаалтыг гаргахдаа шоу бизнесийн одуудын хүүхдүүдийн нэр сонин хэвлэл, цахим хуудсууд, блог, олон нийтийн сүлжээгээр хэр олон гарснаар нь рейтингийг гаргажээ. Судалгааны дүнд Холливудын алдарт жүжигчин Том Круз болон Кэти Холмс нарын охин Сури дэлхийн хамгийн нөлөөтэй хүүхдээр шалгарсан байна. Одоо таван настай Суригийн гэрэл зураг болон түүний тухай мэдээлэл хэвлэлээр байнга л гардгийн дээр сэтгүүлчид Сури хэмээх эрх охины талаар бичих нь их байдаг гэнэ.
Жагсаалтын хоёрдугаарт алдарт хөлбөмбөгчин Дэвид Бекхэм, Spice Girls хэмээх алдартай охидын хамтлагийн гишүүн асан Виктория нарын таван сартай охин Харпер орсон байна. Харин гуравдугаарт үзэсгэлэнт Анжелина, Брэд Питт нарын охин Питта оржээ. Дашрамд дуулгахад өнөр өтгөн Бекхэм болон Брэд Питт нарын бусад хүүхдүүд ч хамгийн нөлөөтэй бяцхан жаалуудын жагсаалтанд багтсан байна. Бекхемийн хүү Круз гэхэд л жагсаалтын долоодугаарт орсон бол Брэд Питтийн охин Вивьен наймдугаар харин Захара охин нь 11 дүгээр байрыг эзэлжээ.
