Х.Баттулга нь Зам тээвэр барилга хот байгуулалтын сайд байхдаа ОХУ-ын Төмөр замын нийгэмлэгтэй удаа дараа ил далд хэлэлцээр хийсэн гэх мэдээллийн ХЗДХ-ийн сайд Ц.Нямдорж мэдэгдсэн юм. Үүнтэй холбогдуулан УИХ-ын Х.Баттулга хэвлэлийнхэнд мэдээлэл өглөө. Түүний тайлбарласнаар Ямар нэгэн нууц гэрээ хийгдээгүй. ОХУ-тай Төмөр зам барих асуудлаар ярилцаж, ОХУ-аас тавьсан саналтай танилцсан. Дээрх саналтай танилцсанаа баталгаажуулсан гарын үсэг зурснаас өөр баримт бичигт гарын үсэг зураагүй. Төмөр зам барих асуудлыг би дангаараа шийдэх асуудал биш. Төрийн өмчийн хороо, Засгийн газрын хүрээнд асуудлыг хэлэлцэж байж шийдэх ёстой. Түүнээс дан ганц яам толгой мэдэн шийдэх боломжгүй гэсэн юм.

Мөн АТГ-т шалгуулахаар Ерөнхий сайд С.Батболд, ХЗДХ-ийн сайд Ц.Нямдорж, Засгийн газрын хэрэг эрхлэх газрын дарга Ч.Хүрэлбаатар, ЭБЭХ-ний сайд Д.Зоригт нарыг өгөөд буй юм. Тэднийг хуулийн байгууллагад шалгуулах болсон үндэслэлээ тайлбарлалаа.

Ухаа худгийн ордод Засгийн газрын гишүүдийн ашиг сонирхол шингэсэн. Засгийн газрын гишүүд бүгд байрны хахуул авсан. Өөр олон ашиг сонирхлын зөрчил бий гэсэн юм.

Т.АМУР