Тендерийг ирэх зур­гаа­дугаар сард зарлах бөгөөд олон улсын опера­торууд 60 өдрийн дотор өргөд­лөө өгч, үнэлгээгээ тодор­хойлно. Харин эрх баригчид 10 дугаар сарын сүүлээр хөрөнгө оруу­лагчидтай гэрээгээ бай­гуулах аж. Казиногийн гол үйлчлүүлэгчид нь Азийн орнууд, тодруулбал Хятадын иргэд байх гэнэ. Тэдэнд зориулан хялбар­чилсан виз олгохоор бол­жээ. Тодруулбал, Москва, Бээ­жингийн хоорон­дын гэрээ­гээр 5-100 хятад хүнийг визгүйгээр 14 хоног хүр­тэл хугацаагаар ОХУ-д нэвт­рүүлэх юм байна.

Оросууд тоглоомын бүсийн стратегийн зөв­лөхөөр Лас-Вегасын Galaүiz & Co компанийг урь­жээ.

Мөн Канадын Power Network Corporation ком­панийн захирлуудын зөвлөлийн тэргүүлэгч Лев Карп Оросын Владивосток, Сочи, Калининградад байгуу­лаг­дах тоглоомын бүсийг сонирхож байгаа аж. Гадаадын компаниуд казинод хөрөнгө оруулахаас гадна олон улсын жуулч­лалын урс­галыг Орос руу чиг­­лүүлэхэд туслахаа мэдэгд­­жээ.

Алс Дорнодын мөрийтэй тог­лоомын бүсэд бие даасан хөрөнгө оруулагчид доод тал нь хоёр тэрбум доллар оруулна гэж оросууд найдаж байна. Тэдний тоо­цоолс­ноор казино жилд үүнээс 2-3 дахин их ашиг­тай ажиллаж, хөрөнгө оруу­лал­таа 2-4 жилд нөхөх аж.

Хятадын тусгай бүс болох Макаод зохиогдсон үзэс­гэлэнгийн үеэр Оросын Манай гэр Приморье компанийн ерөнхий захирал Марина Ломакина Тог­лоомын бүсийг таван жилийн дотор байгуулж дуусна. Хятадаас гадна Солон­гос, Япон, АНУ-ын иргэд ирнэ гэж бид найдаж байгаа. Оросууд өөрсдөө ч энд тоглож болно хэмээн мэдэгд­лээ.

Алс Дорнодын тог­лоомын бүс нь Номхон далай дахь Оросын гол боомт Владивостокоос 50 км зайд байрлах тул Бээ­жингээс хоёр, Токиогоос нэг, Сөүлээс 1,5 цаг нисээд хүрнэ. Нийт 2,6-6 км.кв талбайд казиногоос гадна люкс ангиллын зочид буудал, худалдааны төв, гольф зэрэг спортын талбай, яхт клуб сүндэрлэх аж. Даш­рамд сонордуулахад энэ оны есдүгээр сард Владивосток хотод АТЭС-ийн орнуудын сам­мит болно. Үүнээс өмнө Вла­дивосток хотынхоо өнгийг засахаар Оросын эрх бариг­чид олон тэрбумыг тээвэр, эрчим хүч гээд дэд бүтцэд зар­цуулж байгаа аж.

ОХУ 2009 оноос мөрий­тэй тоглоомыг хориг­лож, зөвхөн дөрөвхөн бүсэд буюу Крас­нодар, Калининград, Владивосток, Алтайд зөв­шөөрсөн билээ. Одоо­гоор эдгээрээс зөвхөн Краснодарын хязгаарт Азов-Сити казино 2010 оны нэгдүгээр сараас эхлэн ажиллаж байна.

Нэмж өгүүлэхэд Вьет­нам, Филиппин зэрэг орон мөн тоглоомын бүс бай­гуулж, гадаадын хөрөнгө оруу­лагч­дыг та­тахаар өрсөл­дөж байна.