Ёслолын ажиллагаанд Баянзүрх дүүргийн засаг дарга, Нийслэлийн засаг даргын орлогч, ИТХ-ын төлөөлөгчид болон АС милан багийн тоглогч бүх цаг үеийн 100 шилдэг тоглогчдын нэг Барези, АС милан багийн зарим дасгалжуулагчид оролцлоо.

Бразилын шилдэг тоглогч Барези болон Италийн АС милан багийн тамирчид Монгол оронд хөлбөмбөгийг хөгжүүлэх олон үйл ажиллагааг зохион байгуулж байгаа юм. Үүний нэг бол Нийслэлийн хөрөнгө оруулалтаар хийгдэж байгаа таван мянган хүний суудалтай энэхүү спорт ордон юм. Барези спорт ордонг 2013 онд багтааж хүлээлгэж өгөх гэнэ. Ингэснээр Баянзүрх болон нийслэлийн хүүхэд залуусын хувьд чөлөөт цагаа зөв боловсон өнгөрүүлэх нэг газар бий болж байгаа юм. Барези спорт ордон баригдах энэ талбайд орон сууц барих гэж байсныг зогсоож ийнхүү хүүхдэд хэрэгтэй барилга барьж байгаа хорооны иргэд бахархаж байсан юм. Хуучин орос статиум байсан энэ талбайд цаашлаад спорт ордон болон амрах байр, сургалтын танхим, гаднаас ирсэн зочдыг хүлээн авах зочид буудал зэргийг барих гэнэ.

Л.Тамир

Olloo.mn