Энэ болон бусад асуудлаар тус газрын дарга Л.Амарсанаагаас зарим зүйлийг тодруулсан юм.

-Цахим үнэмлэх хэвлэх ажил ямар шатандаа явж байгаа вэ. Сонгууль дөхөөд иргэд энэ талаар их сонирхож байх шиг байна?

-УИХ-ын тогтоол гарсан. Энэ . тогтоолоор нэгдүгээрт одоогийн бид нарын ашиглаж байгаа иргэний үнэмлэхээр удахгүй болох УИХ-ын болон Орон нутгийн сонгуулийг өгч болно гэж заасан. Хоёрдугаарт бичиг баримтаа гээгдүүлсэн, үрэгдүүлсэн гээд ашиглах боломжгүй болсон иргэдийг цахим үнэмлэхтэй болгох гэсэн шийдвэр гарсан байгаа. Энэ асуудлын хүрээнд нийтдээ 64940 хүн лавлагаа авсан байна. Лавлагаа авсан хүмүүсийн дотор сонгууль өгөх 40 мянган иргэн бий. Энэ хүмүүст цахим үнэмлэхийг нь. сонгуулиас өмнө хэвлэж өгч, сонгуульд оролцуулах боломжийг нь хангах үүргийг УИХ-аас өгсөн учраас шаргуу ажиллаж байна.

-Цахим үнэмлэхийг хэвлэж эхэлсэн, эхлээгүй гэх зөрүүтэй яриа гарах боллоо. Аль нь бодит мэдээлэл вэ?

-Хэвлээд эхэлчихсэн. Зургадугаар сарын 10 гэхэд дуусна.

-Иргэдэд хэзээнээс олгож эхлэх бол. Мөнгө төгрөг төлөх үү?

-Ирэх сарын 25 гэхэд нийслэлийн иргэдийн цахим үнэмлэхийг оршин суудаг хороогоор нь дамжуулж олгох бол орон нутгийнхныг сумын ЗДТГ-аас нь олгож эхэлнэ. Нэг удаа олгож байгаа болохоор иргэдээс үнэ төлбөр авахгүй.

-Бусад хүмүүс хэзээ цахим үнэмлэхтэй болох вэ?

-УИХ-ын сонгууль өнгөрсний дараа олгож эхэлнэ.

-Иргэдийн сонирхож буй бас нэг асуулт эд хөрөнгийн бүртгэл болоод гадаад паспортын талаарх мэдээлэл байх шиг байна?

-Манайх cap бүр нээлттэй ажиллаж иргэдийнхээ санал асуудлыг сонсдог. Өнөөдөр ХЗДХЯ-ны харьяа агентлагууд нэг дор цуглан иргэдэд хүссэн мэдээллийг нь өгч байна. Ингэснээр 2008-2012 онд Засгийн газрын үйл ажиллагааны хүрээнд УБЕГ-ын хэмжээнд хийж хэрэгжүүлсэн ажлын биелэлт ямар байгаа талаар тайлагнаж, иргэд өөрсдийн болон өрхийнхөө аль нэг гишүүний талаар эд хөрөнгийн бүртгэл, гадаад дотоод паспортын талаар асууж лавлагаа авч байна. Бид ч тайлбарлаж, нэг мөр ойлголтыг өгсөн. Зарим үйлчилгээг газар дээр нь үзүүлсэн. Гадаад паспортын хугацааг сунгах, шинээр олгох зэрэг үйлчилгээ үзүүлж байгаа тул иргэд хамгийн ихээр хандаж байна. Гадаад паспорт шинээр авахад нэг жилийн хугацаатай 22500 төгрөг, таван жилээр авах бол 32500 төгрөг төлнө.

-Улсын бүртгэлийн газар цахим архивтай болж байгаа гэсэн үү?

-Цахим архив бүрэн хэмжээгээр дуусаагүй байна. Улсын хэмжээгээр аваад үзэхэд иргэний бүртгэлтэй холбоотой 15 сая ширхэг цаасан архивын материал байх жишээтэй. Тэгэхээр энэ бүхнийг техник технологи хөгжиж байгаа үед боловсронгуй болгох талаар анхаарч байна. Ер нь иргэний архивын бүртгэлийг цахимжуулах хэрэгтэй. БНСУ-тай хамтарч иргэний архив болон хуулийн этгээдийн архивыг цахимжуулах ажил хийж эхэлсэн. Энэ ажил 2013 он хүртэл үргэлжилнэ.

О. Сайханцэцэг