1979 оны тавдугаар сарын 25-нд зургаан настай Этан Патц хүү Нью-Йоркт хулгайлагдсан юм. Харамсалтай нь түүнийг эрж хайх ажиллагаа амжилтгүй дууссан аж. Зарим нэг төрийн бус байгууллага, ассоциаци тавдугаар сарын 25-ны өдрийг Этан болон сураггүй болсон бусад хүүхдийн дурсгалыг хүндэтгэх өдөр болгон тэмдэглэдэг болжээ. Харин 1983 онд АНУ-ын Ерөнхийлөгч Рональд Рейган тавдугаар сарын 25- ыг Сураггүй болсон хүүхдүүдийн дурсгалыг хүндэтгэх өдөр болгон албан ёсоор зарласан байна. Одоо энэ өдрийг дэлхийн 18 улс орон тэмдэглэн өнгөрүүлдэг болжээ.

Нью-Жерсийн цагдаагийнхан тус хотын оршин суугч Кэмден Педро Хернандесыг дээрхи хэрэгт сэжиглэн мөрдөн байцаажээ. 51 настай Хернандес мөрдөн байцаалтын үеэр ийм хэрэг хийсэндээ гэмшиж байгаагаа илэрхийлсэн гэнэ. Тэрбээр хүүгийн амийг хөнөөснийхөө дараа пластик саванд хийж хог дээр хаяснаа мэдүүлсэн байна. Харин юуны учир хүүгийн амь насыг хөнөөх болсноо тодорхой тайлбарлаагүй ажээ.