Солонгосын арван ес дэх удаагийн Их Хурлын 300 гишүүний эдлэх 200 гаруй нэр төрлийн хөнгөлөлт саяхан батлагдан гарчээ. Иргэдээс авсан татвараар өөрсдийн ая тавыг хангаж түүхэнд хамгийн их хөнгөлөлт эдлэх болсон эдгээр 300 гишүүн сард дунджаар 12 сая 240 мянган воны цалин авч, 45 метр кв талбайтай байранд үнэгүй суун, улсаас өгсөн автомашины шатахууныг нь төсвөөс гаргуулж, Засгийн газрын ордон доторх саун, үсчин , эмнэлэг, спортын танхимаар үнэгүй үйлчлүүлэх юм байна.

Мөн тэдэнд Солонгос дотроо онгоц, галт тэргээр үнэгүй үйлчлэх бөгөөд жилд 150 сая воныг хандив болгон авах эрхтэй юм байна. Гэтэл нэг хүнд оногдох орлогоороо Солонгос улсаас хоёр дахин их Шведийн Их Хурлын гишүүд сардаа 9 сая 400 мянган вон авдаг байна. Дэлхийн хөгжилтэй орнуудынхаас дээгүүр байгаа Их Хурлын гишүүдийнхээ эдлэх хөнгөлөлт нь олон иргэдийн дургүйцлийг хүргэн, зөвхөн өөрсдийн эрх ямбад зориулсан хуулийг баталж байна хэмээн шүүмжилж байна.

О.Гэрэл

Olloo.mn