Гурван хүн галт тэргэнд дайруулж нас барлаа
төмөр замын 406 дугаар гармын IҮ секторын орчимд галт тэргэнд 60 настай иргэн шүргүүлж гэмтлийн эмнэлэгт хүргүүлсэн ч гэмтлээ даалгүй нас барсан хэрэг гарсан. Тэгвэл өнгөрсөн мягмар гарагт мөн л галт тэргэнд дайруулж нас барсан хэрэг гарсан байна.
Хэргийг тодруулбал, Говьсүмбэр аймгийн төв Чойр хотоос хойш 30 км-т орших тус аймгийн Баянтал сумын нутаг Лүн гэх газар Хэнтий аймгийн харьяат гэр бүлийн гурван хүн портер маркийн машинтай төмөр замын гармаар гарах гэж яваад сэлгээний галт тэргэнд дайруулсан байна. Тэдний хоёр нь эрэгтэй, нэг нь эмэгтэй хүн байсан бөгөөд мөн л гэмтлээ даалгүй бүгд нас баржээ. Ослын шалтгааныг тодруулахаар аймгийн цагдаагийн хэлтсийн алба хаагчид ажиллаж байгаа аж.
Б.Тогтох
