Хэрэгждэггүй цагийн хуваарьт өөрчлөлт хийе
үйлчилгээний газрууд 0000 цагт хаалгаа барьж иргэдэд үйлчлэхгүй байх тухай заасан байдаг.
Гэтэл өнгөрсөн хугацаанд дээрх журмыг дагаж, цагаа ягштал барьсан газар тийм ч олон байсангүй. Шөнийн цагаар үйлчлүүлэгчид нэмэгдэж, орлого нь тэр хэмжээгээр арвижих кафе, баар, шөнийн клубт дээрх шийдвэрийг дагах нь үнэндээ утгагүй байсан гэхэд болно. Хэдийгээр хуулийн байгууллагынхан хэв журам тогтоох гэж зохих арга хэмжээ авч ирсэн ч байдал хэвээр байдаг нь нууц биш юм.
Тогтоосон цагийн хуваарийг дагахгүй, төрөл бүрийн арга хэрэглэн нууцаар ажилладаг асуудал гардаг нь ил болоод байна.
Тиймээс хэрэгждэггүй тогтоолыг цаасан дээр хэрэгжүүлэх гэж шаардах хэрэг байна уу. Түүний оронд цагийн хуваарьт нь өөрчлөлт оруулж, ажиллах цагаа уртасгах талаар албаныхан бодох цаг болжээ.
Гэхдээ хүссэн газар бүрт энэ эрхийг олгох бус, үйлчлүүлэгчдийн ая тух, аюулгүй байдлыг хангаж, хуулийн хүрээнд үйл ажиллагаа явуулах нөхцөл боломжийг бүрдүүлсэн цөөн газарт л олговол зохилдоно. Уг нь их хотын тодорхойлох үзүүлэлтийн нэг нь шөнийн нийслэлийн өнгө төрх байлтай.
Шөнө атлаа өдөр мэт гэрэлтэж, гудамж талбайд үйлчилгээний газрууд хэвийн ажиллаж, үйлчлүүлэгчид нь соёлтой, боловсон байхыг бусад улс орноос харах бус хэрэгжүүлэх хэрэгтэй.
Хүн амын дийлэнхийг залуучууд эзлэх манайх шиг нийслэлд яах аргагүй шөнийн хот үгүйлэгдэж байна. Энэ асуудлыг хотын удирдлагууд анхааралдаа авч, шаардлагатай зохицуулалт хийнэ биз ээ.
