Агаарын чанар хэт мэдрэмтгий хүмүүст илүү нөлөөлдөг
Агаарын чанарын үзүүлэлт Маш сайн байвал агаарын чанарын шаардлага хангаж байгаа гэсэн үг. Харин Дунд гэсэн бол хэт мэдрэмтгий хүмүүст сөргөөр нөлөөлж болзошгүй, Маш муу бол нийт хүн амын эрүүл мэндэд таагүй нөлөөлдгийг илтгэдэг байна. Агаар болхирдуудагч эдгээр бодис хүний биед ямар нөлөө учруулдгийг товч хүргэе.
Азотын давхар исэл Энэ нь өнгөгүй, үнэргүй хий юм. Агаар мандалд байхдаа шаргал өнгөтэй байдаг. Хүний уушгины эдийг цочроох, амьсгалын замын халдварт өвчлөлд өртөмтгий болгох зэргээр нөлөөлдөг. Мөн зүрх судасны архаг өвчнийг сэдрээх аюултай.
Хүхрийн давхар исэл Хүхрийн давхар исэлд гуурсан хоолойн багтраа өвчтэй хүмүүс болон биеийн хүчний ажил хийдэг хүмүүс илүү өртдөг аж. Энэ исэл нь амьсгал цочирдсноос найтаах, ханиах шинжээр илэрдэг. Ахмад настан, хүүхдүүд хүхрийн давхар ислийн нөлөөнд илүү өртөмтгий байдаг байна.
Озон Гурван атомт хүчилтөрөгчөөс тогтсон хий. Озон нь амьсгалын замын салст бүрхэвчийг цочроох, уушгины үйл ажиллагааг бууруулах нөлөөтэй. Ийм үед хүмүүст ханиах, хоолой хорсох, цээжээр хөндүүрлэх, амьсгаа хурдсах зэрэг шинж илэрнэ.
Тоосонцор Агаарт хатуу, шингэн төлөв байдалтай оршдог. Гол төлөв зүрх, уушгины өвчлөлтэй хүнд мэдрэгдэнэ. Тоосны нөлөөнд чичрэх, амьсгал давхцах, сульдах, зүрхний хэмнэл алдагдах шинж илэрнэ.
Нүүрстөрөгчийн дутуу исэл Энэ нь түлшин дэх нүүрстөрөгч бүрэн шатаагүй үед үүсдэг. Нүүрстөрөгчийн исэл нь уушгиар дамжин цусны урсгалд орж, эсэд нөлөөлдөг. Ингэснээр хүний бие махбодод хүчилтөрөгч дутагддаг байна.
