Германд төгсөгчдийн уулзалт болно
ойн хүрээнд энэ сарын 17-18, 22-нд Германд төгсөгчдийн өдрүүд 2012 чуулга уулзалт болох гэж байна. Уулзалтыг Шинжлэх ухааны академи, Монгол-Германы гүүр ТББ, Германы эрдмийн солилцооны алба, Олон улсын шилжилт хөдөлгөөн хөгжлийн төвөөс Шинжлэх ухааны хоёр талтын хамтын ажиллагаанд Германд төгсөгчдийн оруулж буй хувь нэмэр сэдвийн хүрээнд зохион байгуулж буй аж.
Энэ үеэр Монгол, Германы эрдэмтэд, оюутнууд нийгмийн шинжлэх ухаан, археологи, байгаль орчин, уул уурхайн өнөөгийн чиг хандлагаар санал солилцож, илтгэл, хэлэлцүүлэг өрнүүлэх юм байна. Түүнчлэн эдгээр байгууллага өнгөрсөн 20 жилийн хугацаанд хийсэн ажлаа тайлагнаж, цаашид ямар чиглэлээр ажиллахаа хэлэлцэх аж. ГЭСА-ны мэдээлж буйгаар манай улсын 30 гаруй мянган иргэн хувийн болон улсын зардлаар ХБНГУ-д боловсрол эзэмшсэн гэх албан ёсны тоо байдаг.
Тус хөтөлбөрийн талаар ГЭСА-ны дарга Ларс Бэргмайер ШУА, ГЭСА-ны эрдэмтэн солилцох хөтөлбөрийн хүрээнд өнгөрсөн хугацаанд 400 гаруй монгол эрдэмтэн, судлаач Германы их дээд сургуулиудад судалгааны ажлууд хийсэн. Энэ нь хоёр орны эрдэм шинжилгээний салбарт маш чухал хувь нэмэр оруулсан төдийгүй, улстөр, эдийн засгийн хүрээнд ч тодорхой ахиц гаргасан гэв.
