Олимпийн анхны медальтнууд сэтгэгдлээ хуваалцлаа

Тус хуралд анх 1968 оны аравдугаар сарын 20-нд Мексик ул­сын Мехико хотод бол­сон зуны их наадмаас чөлөөт бөхөөр медаль ав­сан Ч.Дамдиншарав, Д.Сэрээтэр, Ж.Мөнхбат нар оролц­­сон юм.

Тэд Энэ олимп нь монголчуудын хувьд хоёр дахь зуны олимп байсан. Тус орныг 16 тамирчин зорьж очоод нэг мөнгө, гурван хүрэл медаль авч, хоёр тамирчин шагналт байрт шалгарснаар Мон­гол Улс 27-д жагсаж байсан. Бид тус олимпийн хугацаанд өөрсдөдөө учир­сан хөгтэй явдлууд болон барилдааныхаа талаар са­нал бодлоо солилцож байсан юм. Тиймээс монголчууд энэ өдрийг мартах ёсгүй хэмээлээ.

Энэ хурлын үеэр Монгол Улсын далбааг олимпийн тэнгэрт анх өргөсөн гавьяат тамирчин, олимпийн наадмын хүрэл медальт, улсын начин Т.Артаг агсны гэргий Д.Баярлахтай ярилцсан юм.

-Т.Артаг агсан олим­поос медаль аваад ирэх үеийн тэр дурсамж мэдээж санаанаас тань гардаггүй байх?

-Нөхөр маань явсан тэмцээн болгоноосоо медаль авдаг байсан. Тэр үед манай том охин хоёр настай, дунд охин гэдсэнд байсан юм. Тэгээд ирэхийнхээ өмнө Биднийг машин ирж авна гэнэ. Тосох хэрэггүй гэж хэлж байсан юм. Сэтгэл их хөдөлж, хөл газар хүрэхгүй л их баярлаж байсан. /Уйлав/

-Тэр үед ямар нэгэн урамшуулал авч байв уу?

-Медаль авсан үед нь манайхаар хөл тасард­даг­гүй, хүмүүс их ирдэг байсан юм. Бид Олимпийн хороонд ирж баяраа хуваалцаад, Төрийн ордон орж, төрийн тэргүүнтэй уулзаж, 3000 төгрөг авч байлаа. Энэ мөнгө чинь тэр үедээ бас л их мөнгө байсан.

-Одоо танай гэр бүлд улсаас ямар нэгэн урам­шуулал тэтгэмж олгож байгаа юу?

-Улсаас нэг жилтэй тэнцэх хэмжээний тэтгэмж олгоно гэж яригдсан. Гэвч яг батлагдаад, баталгаатай болсон зүйл биш. Миний нөхрийн гавьяанд чамлахаар л зүйл гэж би бодож байгаа. Ядаж 4-5 жил болгочихмоор л байна. Түүнийг би өөр­төө хэрэглэхгүй, гэр бүлийн­хэндээ зарцуулна шүү дээ.

-Одоогоор гэр бүлийн тань байдал ямар байгаа вэ?

-Гайгүй дээ. Нөхрийгөө өнгөрснөөс 13 жилийн да­раа нэг хүүгээ алдсан. Хүн жаргал даадаггүй, зовлон даадаг гэж үг байдаг даа. Манай хүүхдүүд болон хамаатнууд маань сэтгэлээр унахгүй, тэнхээтэй байхыг байнга зөвлөдөг учир өөдрөг явахыг л хичээж явна даа.