Каддафийн нарийн бичгийн дарга баригдаагүй гэж мэдэгдлээ
баривчилсан гэх мэдээллийг үгүйсгэлээ.
АР агентлагийн мэдээлснээр бямба гарагийн орой Ибрагимын Фэйсбүүк хуудаснаа нэгэн дуу бичлэг тавигджээ. Уг бичлэгт тэрбээр өөрийг нь баривчилсан тухай мэдээллийг няцаасан байна. Ибрагим хилийн чанадад урьдын адил эрх чөлөөтэй байгаагаа мэдэгджээ.
Энэ бичлэгээс өмнөхөн Ливийн засаг захиргаа Ибрагимыг баривчилсан гэж мэдээлсэн юм. Ер нь хэвлэлүүд түүнийг баривчилсан тухай олон удаа мэдээлж байсан ч энэ нь цуу яриа байсан аж.
Түүнчлэн аравдугаар сарын 20-нд Муаммар Каддафи босогчдын гарт амиа алдсаны нэг жилийн ой тохиосон. Гэтэл яг энэ өдөр түүний хүү Хамисыг Ливийн Бани-Валид хотод болсон тулааны үеэр хөнөөсөн тухай ИТАР-ТАСС мэдээллээ. Ливийн Бүх нийтийн үндэсний конгрессийн дарга Юсеф аль-Магрефын мэдээлснээр тэрээр Бани-Валид амиа алдаж, цогцсыг нь Мисурат хотод хүргэсэн байна.
