Япон бүсгүй тодорчээ
Тус тэмцээнд дэлхийн 69 орны бүсгүй өрсөлдсөнөөс Япон бүсгүй Икуми Ёшимацу миссийн титмийг тэргүүндээ залсан байна.
Харин дэд миссээр Финляндын Вийви Сувоминен тодорсон бол удаах байруудад Шри Ланкийн мисс Мадуша Маяадунне, Доминиканийн Мелодый Мир, Парагвайн Николь Хубер нар багтжээ.
Дашрамд дуулгахад, тус тэмцээнд Монгол Улсаа төлөөлж Монголын мисс-2012-ын тэргүүн байрын шагналт Д.Долгион оролцсон юм. Тэрбээр өнгөрөгч долоо хоногт фэйсбүүкээр явуулсан санал асуулгад хоёрдугаар байрт жагсаж байсан билээ. Харин санал асуулгад Мяньмар улсын мисс Нанг Кин Зая Юар түрүүлсэн аж. Чансаагаар Дэлхийн мисс-тэй эн зэрэгцэхүйц уг тэмцээний 2011 оны ялагчаар Эквадорын мисс Мариа Фернанда Корнежо тодорч байсан юм.
