Аренас Хятадыг зорино

NBA-д үлдэх боломжгүй болсон тэрбээр Стефан Марбори, Треси МакГреди нарын адилаар Хятадын лигийг сонгож байгаа бололтой.

Өмнө нь Яао Минийн Шанхай шаркс-тай хэлэлцээр хийж байсан ч Гуандун Соутерн Тайгерс-ыг сонгожээ. Хэрвээ тэрбээр энэ багт орвол NBA-д тоглож байсан И Жин Лиантай хамтран тоглох юм байна.

Гурван удаагийн бүх оддын тоглолтод оролцож байсан. Өдгөө 30 настай Гилберт Аренас NBA-д 11 улирал тоглохдоо авсан дундаж оноо нь 20.7 юм. Харин түүний оргил үе болох 2005-2006 онд Вашингтон Визардс багт байхдаа дунджаар 29.3 оноо авч байжээ.