Харилцаа холбооны зохицуулах хорооноос логоны уралдаан зарлаж байна
Харилцаа холбооны зохицуулах хороо нь Монгол Улсын нийгэм, эдийн засаг, хүний хөгжлийг дэмжсэн харилцаа холбооны салбарын зохицуулалтын таатай орчинг бүрдүүлэх эрхэм зорилгынхоо хүрээнд эх орныхоо хөгжил цэцэглэлтийг түргэтгэх, үндэсний хөгжлийн хөшүүрэг хэрэгсэл болгох, иргэдийг орчин үеийн дэвшилтэт технологид тулгуурласан цахим хэрэглээ, үйлчилгээгээр хангах, шинэ эдийн засаг, Мэдээлэлжсэн нийгэм-ийн суурь үндсийг бүрдүүлэх, хөгжүүлэхэд дэмжлэг үзүүлэх замаар харилцаа холбооны технологийн ололтыг нийгэм, эдийн засгийн бүх салбар, хүн бүрийн өдөр тутмын хэрэгцээ, шаардлага болгох зорилтыг дэвшүүлж байгаа юм.
Уралдаанд оролцох бүтээл нь байгууллагын үйл ажиллагааны онцлог, эрхэм зорилго, хууль тогтоомжоор олгогдсон чиг үүргийг тусгасан утга санааг агуулсан, монгол (Монгол Улсын Харилцаа холбооны зохицуулах хороо)-англи нэрийг оруулсан (Communications Regulatory Commission of Mongolia), зориулалтын программ дээр хийгдсэн, өндөр нягтралтай, утга санааг тайлбарласан тайлбартай ирүүлнэ.
Уралдааны материалыг 2012 оны 11 дүгээр сарын 06-ны дотор Харилцаа холбооны зохицуулах хорооны байран дээр хүлээн авна.
Шаардлагатай асуулт байвал www.crc.goү.mn цахим хуудсаар болон 304257, 304258, 363999 дугаарын утсаар лавлана уу.
Материал хүлээн авах хаяг Харилцаа холбооны зохицуулах хороо. Улаанбаатар 14201, Сүхбаатарын гудамж-13, Метро бизнес төв, 12 давхар, 1203 тоот.
