Барууны орны иргэдийг хулгайлахыг уриалжээ
хядагчдыг солилцоогоор суллуулахад ашиглахыг лалын шашинтнуудад хандан уриалав. Мөн Египет, Сирид гарч буй бослого тэмцэлд нэгдэхийг уриалжээ. Түүний энэ мэтээр бүтэн цаг ярьсан бичлэг бямба гаригт лалын сайтуудад тавигдсан байна. Тэрбээр Пакистанд өнгөрсөн жил АНУ-ын иргэн, 71 настай Уоррен Вайнштейныг хулгайлсан явдлаас жишээ авахыг уриалжээ.
Мөн Башар Асадад ард түмнээ хядах бололцоо олгосон хэмээн олон улсын хамтын нийгэмлэгийг буруутгаад, Сирийн босогчдыг байдаг чадлаараа дэмжихийг хүсчээ. Осама бин Ладений хувийн эмч төдийгүй хамтран зүтгэгч нь байсан А.Завахириг барьсан хүнд АНУ 25 сая долларын шагнал амлаад байгаа юм. Египетэд төрсөн тэрбээр бин Ладентай танилцахаасаа өмнө Лалын ариун дайн хэмээх хэт даврагч бүлэглэлийг толгойлдог байжээ. 2001 онд АНУ-ын цэрэг Афганистанд ороход түүний эхнэр, гурван охин нь бөмбөгдөлтөд амь үрэгдсэн билээ.
