оронд маргааш ирэх гэж байна. Оросын Их театр, Марийнский, В.Гордеевийн гэдгээр алдаршсан Русский балет, В.И.Немирович-Данченкогийн нэрэмжит Хөгжмийн театр, Новосибирскийн Дуурь бүжгийн театр гэсэн Оростоо төдийгүй алдар суугаа дэлхийд цуурайтуулдаг театруудын шилдэг бүжигчид энэ удаагийн айлчлан тоглолтод багтаж буй юм.

Өөрийн эх орондоо ч тэр бүр хамтран тоглоод байх нь ховор ийм бүрэлдэхүүнийг ОХУ-ын Засгийн газар, Соёлын яам манай улсад ирүүлж байгаа нь хоёр орны хоорондох уламжлалт найрсаг харилцааг бэхжүүлэх зорилгын хүрээнд зохион байгуулдаг хуучин хэллэгээр Найрамдлын сар-ын ажлын хаалтад өндөр ач холбогдол өгч буйн илэрхийлэл биз ээ.

Балетчидын нэрсийн тэргүүн магнайд Их театрын тэргүүлэх бүжигчин, ОХУ-ын ардын жүжигчин Мария Аллашийн нэр дурайж байна. Бидний сайн мэдэх Нойрсч буй гоо бүсгүй балетийн Сирена дагина, Баядерка бүжгийн жүжгийн Гамзатти, Спартак-ийн Эгина, Хунт нуур’’-ын цагаан хун буюу Одетта Эдиллия, Дон Кихот-ын Китрийн дүрээр энэ зууны чадварлаг балетчин гэдгээ харуулсан тэрбээр манай ДБЭТ-ын тайзнаа хэрхэн уран тансаг бүжиглэхийг харах боломж олдож байна. Жагсаалтын дараагийн балетчин бол мөн л ОХУ-ын ардын жүжигчин, Их театрын гоцлооч Д.Гуданов байх жишээтэй. Харин араас нь гавьяатуудын нэрс хараа булааж байгаа юм.

Ийнхүү Орос-Монголын найрамдлын сарын ажлын хаалт Оросын шилдэг балетчидын гала тоглолтоор өндөрлөх нь ээ. Манай улсад 1980-аад онд Их театрын балетчид ирж тоглож байсан юм билээ. Гэхдээ тун цөөхөн жүжигчин ирж байжээ. Гэтэл 30 гаруй жилийн дараа хойд хөршийн андууд маань ийм шуугиан тарих байжээ.

Р.Оюунжаргал