зарладаг байна. Харин энэ удаагийн тэмцээний тэргүүн байрыг анх удаа Ази хүн, тэр дундаа монгол залуу хүртсэн байна.

Тэргүүн байр эзэлсэн Б.Баясгалан гэх залуу нь Италийн урлагийн Florence academy of art сургуульд мэргэжил дээшлүүлсэн анхны монгол хүн юм.Италийн Florence academy of art сургууль нь дэлхийн сонгодог урлагийн шилдэг таван сургуулийн нэг бөгөөд Б.Баясгалан нь сургуулиа төлөөлж оролцсноор сургууль болон Монгол Улсынхаа нэрийг өндөрт гаргасан хэрэг боллоо. Ази хүн тэр дундаа монгол хүн барууны философиор, барууны уралдаанд оролцон тэргүүн байр эзэлсэн гэдгээрээ их онцлог юм.

Тэрбээр хүний дотоод сэтгэлийн илэрхийллийг өөрийн бүтээлдээ түлхүү тусгаж өгөх нь шинэ цаг үеийн уран бүтээлчдийн хийх ёстой зүйл гэж бодсоны үндсэн дээр уг санаагаа бүтээлдээ тусгасан байна. Мөн дэлхийн II дайны үед үрэгдсэн Италийн сүмийг сэргээн засварлах арга барилаар судалгаа хийн, уран баримал хэлбэрээр бүтээл туурвижээ.

Б.Баясгалан нь ХУИС-ийг Бизнесийн удирдлагаар төгссөн бөгөөд АНУ-д суралцаж байх үедээ Италид сонгодог урлагийн чиглэлээр мэргэжил дээшлүүлэх хөтөлбөрт шалгаран, уран барилгаар тус сургуульд суралцсан байна. Тэрбээр одоо Соёл, спорт, аялал жуулчлалын яаманд ажилладаг бөгөөд салбарын сайд нь түүнийг хүлээн авч, баяр хүргэв.

Оллоо.мн