цацагдаж эхлэв. Яагаад оролцохгүй болсон шалтгааныг топ модель Э.Одгэрэлээс тодруулав.

-Энэ жилийн Гоёл наадамд топ модель Д.Болормаа та хоёрыг оролцохгүй гэх мэдээлэл байна. Энэ хэр үнэн бэ?

-Үнэн.Бид хоёр ярилцаж байгаад Гоёл наадамд дахин оролцохгүй гэсэн шийдвэр гаргасан.Тиймээс цаашид оролцохгүй гэдгээ танай сониноор дамжуулаад хэлье. Гэхдээ Болороо бид хоёр бусад нэр хүндтэй шоунууддаа ордогоороо орно. Жишээ нь Торго загварын шоу UB Fashion week гэх мэтчилэн том шоундаа оролцоно.

-Ямар шалтгаанаар оролцохгүй гэж?

-Уг наадмын утга учир алдагдаад удаж байна. Одоо цагт Гоёл наадмыг зохион байгуулагчидтай нэр холбогдсон хүмүүс л топ модель болдог болсон байна шүү дээ.

-Нэр холбогдоно гэхээр зохион байгуулагч Ц.Мянганбаярыг хэлээд байна уу?

-Тийм ээ. Тэрийг бүгд мэдэж байгаа байх. Мөн Монголын дизайнеруудын холбоо зохион байгуулдаг шүү дээ.

-Та Гоёл наадамд хэдэн удаа оролцож байлаа?

-Анх зохион байгуулагдаж байсан үе буюу 1988 оноос эхлээд 2008 он хүртэл орсон.

-Хамгийн сүүлд ямар тэмцээн шоунд оролцов. Цаашид оролцох ямар шоу байна вэ?

-Хамгийн сүүлд гэвэл өнгөрсөн сарын 28-нд Монголын Fashion tү-ийн нээлтэд Торго-ын загварыг өмссөн. Мөн дуучин С.Нарангийн шинэ уран бүтээлийнх нь клипэнд тоглосон. Цаашид Гоёо брэндийнхээ нүүр царай, загвар өмсөгчөө хийгээд явна даа.

-Кинонд тоглох санал ирж байна уу?

-Кинонд тоглох нэг санал ирсэн. Гэхдээ би татгалзсан.

-Яагаад?

-Тэр киноны тухай одоо яриад дэмий байх. Гэхдээ ер нь сайн киноны зохиол ирвэл яагаад тоглож болохгүй гэж.

-Хэвлэл мэдээллийн хэрэгслээр таныг янз бүрээр л бичих юм. Хэр үндэслэлтэй мэдээлэл байдаг юм бол?

-Яг үнэндээ шар хэвлэлийг унших зав байдаггүй. Уншихыг ч хүсдэггүй. Заримдаа миний огт хэлээгүй, яриагүй юмыг бичээд ард ньинээв гээд бичсэн байдаг. Жишээ нь манай гэрийг плитикгүй, гэр нь хаалгагүй, хоол идэхгүй байсаар байгаад ходоод нь наалдсан гэх мэт ор үндэслэлгүй юмнууд бичиж байгаад эмзэглэдэг.

-Та хэнтэйгээ амьдарч байна вэ?

-Охин, муур хоёртойгоо амьдарч байна даа.

О.Сайханцэцэг