Энэ талаар Ерөнхийлөгчийн гадаад бодлогын зөвлөх Л.Пүрэвсүрэнгээс тодрууллаа.

-Ерөнхийлөгч олон улсын дээд хэмжээний уулзалтад оролцох гэж байгаа гэлээ. Яг хэзээ явах юм бол?

-Монгол Улсын Ерөн­хийлөгч Ази, Европын есдүгээр дээд хэмжээний уулзалтад оролцох гэж байгаа. Уулзалт энэ сарын 5-6-нд Лаосын Вьентьянд болох юм.

-Монголоос өөр ямар ямар улс оролцох вэ?

-Манай улс 2006 онд Ази, Европын уулзалтыг зохион байгуулдаг байгууллагад гишүүнээр элсч байсан. Хоёр жил тутамд, Ази, Европ тивд ээлжилж зохион байгуулагддаг.

-Манайх өмнө нь оролцож байсан уу?

Манай улсын хувьд энэ уулзалтад хоёр дах удаагаа оролцох гэж байгаа. Орос улс өнгөрсөн онд гишүүнээр элссэн. Тиймээс тус улсын удирдлагаас анх удаагаа оролцож байгаа. Мөн Шинэ Зеланд Австрали, Швейцарь, Норвеги гэсэн улсууд шинээр элссэн байгаа.

-Ерөнхийлөгч оролцож байгаагийнх тодорхой асуудалд байр сууриа илэрхийлнэ биз дээ?

-Ер нь Евро Ази бол энэ дэлхийн хамгийн том газар нутгийн хамарч байгаа шүү дээ. Энэ газарт оршин амьдарч байгаа улс орнуудын хамтын ажиллагааны асуудлууд энд яригдана. Манай улсын зүгээс хэд хэдэн чиглэлээр байр сууриа илэрхийлнэ. Дэд бүтцээс эхлээд олон салбарт хамтран ажиллах асуудалд ахиц гарна гэж үзэж байгаа.

-Бүрэлдэхүүний хувьд?

-Гадаад харилцааны сайд дагалдана. Цомхон бүрэлдэхүүнтэй оролцоно.