газрын Цагаан богд, Атас- Ингэс, Шар хулсны нуруу зэрэг нийт 2.1 сая га нутагт 15-20 тоотойгоор гурваас дөрвөн бүл үүсгэн амьдарч байгаа аж. Өнөөдрийн байдлаар мазаалайг хамгаалах асуудлаар БОНХЯ, Ерөнхийлөгчийн тамгын газар, ШУА-ийн Биологийн хүрээлэн, Мазаалай сан, Говийн баавгай зэрэг төрийн болон төрийн бус байгууллагууд идэвхтэй үйл ажиллагаа явуулж байна. Мазаалай хамгааллын асуудал нь биологийн бодлого, хэрэгжилтийн түвшинд байгаль хамгаалагчдаас эхлээд эрдэмтэн судлаачид шийдвэр гаргагч нарын анхаарлын төвд байдаг аж.

Олон улсын байгууллага, гадны судлаачид мазаалайг судлах, хамгаалахад идэвхтэй оролцож буй аж. 2000 оноос хойш эл амьтныг хамгаалах чиглэлээр хоёр удаагийн олон улсын бага хурал зохион байгуулж, түүнээс гарсан зөвлөмжийг хэрэгжүүлэхээр ажиллаж байна. Цаашид хэрхэн үржүүлэх, усны эх үүсвэрийг хүн малын давхацлаас бүрэн чөлөөлөх, иргэдийн байгаль орчны мэдлэг боловсролыг нэмэгдүүлэх талаар анхаарах аж.